न्युजिल्याण्डले आइसिसी च्याम्पियन्स ट्रफी २०२५ का लागि १५ सदस्यीय टोलीको घोषणा गरेको छ।
श्रीलंकाविरुद्ध घरेलु मैदानमा एकदिवसीय र टी-२० सिरिजमा उत्कृष्ट प्रदर्शनपछि कप्तान मिचेल सान्टनरले टोलीको नेतृत्व गर्ने यो पहिलो प्रमुख आइसिसी प्रतियोगिता हुनेछ।
टोलीमा तीव्र गतिका बलरत्रय विल ओ'रोर्क, बेन सियर्स र नाथन स्मिथ छन्। तीनै जनाले पहिलो सिनियर आइसिसी प्रतियोगिता खेल्दैछन्।
कप्तान सान्टनर टोलीका प्रमुख स्पिनर हुन्। प्रमुख अलराउन्डरहरू माइकल ब्रेसवेल, ग्लेन फिलिप्स र रचिन रविन्द्रले उनलाई साथ दिनेछन्।
अनुभवी केन विलियमसन र टम लाथमले टोलीलाई बलियो बनाएको छ।
सन् २०१७ मा इंग्ल्याण्ड र वेल्समा भएको च्याम्पियन्स ट्रफीको अघिल्लो संस्करणमा सान्टनर, विलियमसन र लाथम न्युजिल्याण्डको टोलीको हिस्सा थिए। विलियमसनले २०१३ को संस्करणमा पनि भाग लिएका थिए।
म्याट हेनरीले अनुभवी लकी फर्गुसनसँगै तीव्र बलिङ आक्रमणको नेतृत्व गर्नेछन्। उनीहरूले दुई एकदिवसीय र टी-२औ विश्वकपमा महत्वपूर्ण भूमिका खेलेका थिए। दुवैले आफ्नो पाँचौं आइसिसी प्रतियोगिता खेल्न लागेका छन्।
न्युजिल्याण्ड टोली: मिचेल सान्टनर (कप्तान), माइकल ब्रेसवेल, मार्क च्यापम्यान, डेभन कोनवे, लकी फर्गुसन, म्याट हेनरी, टम लाथम, ड्यारल मिचेल, विल ओ'रोर्क, ग्लेन फिलिप्स, रचिन रविन्द्र, बेन सियर्स, नाथन स्मिथ, केन विलियमसन, विल योङ।
न्युजिल्याण्डको खेल तालिका:
१९ फेब्रुअरी - पाकिस्तान विरुद्ध न्युजिल्याण्ड, कराँची
२४ फेब्रुअरी - बंगलादेश विरुद्ध न्युजिल्याण्ड, रावलपिंडी
२ मार्च - भारत विरुद्ध न्युजिल्याण्ड, दुबई
