नेपाल प्रिमियर लिग (एनपिएल) टोली सुदूरपश्चिम रोयल्सको जर्सी र एन्थम सार्वजनिक गरिएको छ।
काठमाडौंमा मंगलबार आयोजित कार्यक्रममा टोलीको जर्सी र एन्थम सार्वजनिक गरिएको हो।
टोलीका मार्की खेलाडी दीपेन्द्रसिंह ऐरी, मालिक स्वतन्त्रप्रताप शाह र ब्रान्ड एम्बासडर दीपक विष्टले जर्सी सार्वजनिक गरेका हुन्।
ड्रोनमार्फत टोलीको जर्सी कार्यक्रम हलमा पुर्याइएको थियो। ड्रोनले मार्की खेलाडी दीपेन्द्रको नाम र नम्बर अंक जर्सी हलमा प्रवेश गराएसँगै जर्सी सार्वजनिक गरिएको थियो।
सुदूरको जर्सी पहेँलो रंगको छ। कार्यक्रममा 'मैदानमा तुफान, सुदूरको शान' बोलको एन्थम पनि सार्वजनिक गरिएको थियो।
कार्यक्रममा मार्की खेलाडी दीपेन्द्रले टोलीमा युवा खेलाडी र विदेशी खेलाडीको राम्रो संयोजन भएकाले राम्रो खेल्ने विश्वास व्यक्त गरेका थिए।
आठ टोलीबीच कीर्तिपुरस्थित त्रिवि मैदानमा हुने एनपिएल आगामी मंसिर १५ देखि हुँदैछ।
