नेपाल क्रिकेट संघ (क्यान)को सचिव र केन्द्रीय सदस्य पदका लागि नयाँ बानेश्वरस्थित एभरेष्ट होटलमा मतदान जारी छ।
निर्वाचन कार्यतालिका अनुसार आज मध्याह्न साढे १२ बजेदेखि मतदान सुरू हुने भनिएपनि डेढ घन्टा ढिला गरी मतदान सुरू भएको हो।
पदाधिकारीसहित १७ सदस्यीय क्यानको अध्यक्ष, उपाध्यक्ष र कोषाध्यक्ष र केही केन्द्रीय सदस्य निर्विरोध निर्वाचित भएका छन्।
चतुरबहादुर चन्द क्यानको अध्यक्षमा दोहोरिएका छन् भने उपाध्यक्षमा रोशन सिंह र कोषाध्यक्षमा पदम बहादुर खड्का निर्विरोध चयन भएका छन्। महिला सदस्य जयन्ती भट्ट र अन्य सदस्यहरूमा श्रीधर केसी, प्रदीप मतगैया पनि निर्विरोध निर्वाचित भएका छन्।
सचिव र बाँकी केन्द्रीय सदस्य पदका लागि मतदान जारी छ। सचिव पदका लागि पारस खड्का र प्रशान्तविक्रम मल्ल भिड्दै छन्।
तस्बिरहरूः
