आज त्रिवि क्रिकेट मैदान कीर्तिपुरमा एसिसी प्रिमियर कपअन्तर्गत नेपाल र युएईबीच फाइनल खेल भइरहेको छ।
नेपालले टस जितेर पहिला बलिङ गरिरहेको छ। १९ औं ओभरको खेल चलिरहँदा युएई ५ विकेटको क्षतिमा ७९ रन बनाएर खेलिरहेको छ।
नेपाली बलरहरूले उत्कृष्ट सुरूआत गर्दै युएईलाई दबाबमा राखेका छन्। नेपालका लागि अहिलेसम्म करण केसीले २ र सन्दीप लामिछाने, सोमपाल कामी र ललित राजवंशीले समान १/१ विकेट लिएका छन्।
बीचमा पानी परेकाले केहीबेर खेल रोकिएको थियो।
पानी परे पनि नेपाली टिमको हौसला बढाउन हजारौं समर्थकहरू क्रिकेट रंगशाला पुगेका छन्।
आजको खेल जितेमा नेपाल एसिया कपमा छनौट हुनेछ। एसिसी प्रिमियर कपको विजेताले खेल्ने एसिया कपको समूहमा भारत र पाकिस्तान पनि छन्।
हेर्नुस् तस्बिरहरू:
