सरकारले दर्शकसहितको रंगशालामा खेल गराउन प्रतिबन्ध लगाए पनि त्रिदेशीय कपमा भने दर्शकलाई प्रवेश दिइएको छ।
कीर्तिपुरस्थित त्रिवि मैदानमा नेपाल र मलेसियाबीच जारी खेलमा दुई हजारभन्दा बढी दर्शक उपस्थित भएको क्यानले जनाएको छ।
नेपाल क्रिकेट संघ (क्यान) का सचिव अशोकनाथ प्याकुरेलले यसअघि सरकारी निर्णय पालना गर्ने बताएका थिए। तर मैदानमा दर्शकलाई निकाल्न गाह्रो परेको उनको भनाइ छ।
दर्शकहरू सरकारको निर्णय आउनुअघि नै मैदानमा प्रवेश गरिसकेका थिए। जसका कारण उनीहरूलाई निकाल्न क्यानलाई अप्ठ्यारो परेको हो।
भोलिदेखिको खेलमा भने दर्शकलाई प्रवेश नदिइने क्यानको भनाइ छ।
1618818192.jpeg)
