एएफसी फुटसल च्याम्पियनसिप २०२० को छनोट प्रतियोगितामा नेपालले पहिलो खेलमा ताजकिस्तानसँग भदौ ६ गते खेल्ने भएको छ।
इरानमा हुने प्रतियोगितामा नेपालको दोस्रो खेलमा उज्वेकिस्तानसँग भदौ ७ र तेस्रो खेल भदौ ८ गते अफगानिस्तानसँग छ।
सेन्ट्रल र दक्षिण जोनअन्तर्गत समूह ‘ए’ मा नेपालसहित उज्वेकिस्तान, ताजकिस्तान र अफगानिस्तान छन्।
नेपालले प्रतियोगिताका लागि राष्ट्रिय टिम बनाउन खुला छनोट गरिरहेको छ।
फुटसलको राष्ट्रिय प्रतियोगिता गर्न नसकेको नेपालले प्रतियोगिता आउन ९ दिन बाँकी रहदा पनि राष्ट्रिय टिम घोषणा गरेको छैन।
समूहका शीर्ष २ टिम टिम एएफसी च्याम्पियनसिप २०२० का लागि छनोट हुनेछन्।
१६ टिमबीच हुने च्याम्पियनसिप २०२० को २७ फेब्रुअरीदेखि ८ मार्चसम्म तुर्केमिनिस्तानमा हुनेछ।
