विम्बल्डन टेनिसमा पाँच पटककी विम्बल्डन विजेता भेनस विलियम्सलाई १५ वर्षिया कोरी गोफले पराजित गरेकी छन्।
सोमबार राति भएको विम्बल्डन टेनिसको पहिलो चरणमा महिला एकल तर्फको खेलमा गोफले आफू भन्दा २४ वर्ष जेठी ३९ वर्षिया भेनसलाई ६–४ र ६–४ को सोझो सेटमा पराजित गरेकी हुन् ।
‘यो पहिलो पटक हो जब म खेल जितेपछि रोएँ’, खेल जितेपछि गोफले भनिन, 'यसलाई कसरी बयान गर्ने गर्नै सक्दिन।'
जितपछि प्रतिक्रिया उनले भेनस र उनकी बहिनी सेरेना आफ्नो आदर्श रहेको बताएकी छिन्।
रोचक त के छ भने गोफ जन्मनु अघि नै भेनसले दुई विम्बल्डनसहित चार ग्राण्डसलाम उपाधि जितिसकेकी थिइन्।।
दोस्रो चरणमा गोफले आफूभन्दा १५ वर्ष जेठी स्लोभाकियाकी माग्दालेना रिबारिकोभासँग प्रतिस्पर्धा गर्ने छिन् ।
सन् १९६८ यता ओपन एरा सुरु भएपछि विम्बल्डनको मुख्य प्रतिस्पर्धामा छनौट हुने गोफ सबैभन्दा कान्छी खेलाडी हुन् ।
