आइतबार भएको एक सय मिटर हडल्स (बाधा) दौडमा महिलातर्फ प्रदेश ५ ले स्वर्ण पदक जितेको छ।
प्रदेश ५ की प्रमिला थारुले १६ दशमलव २५ सेकेण्डका साथ स्वर्ण पदक जितेकी हुन्। रजत पदक पनि प्रदेश ५ कै जयरानी चौधरीले नाम जितेकी छन्। त्रिभुवन आर्मीकी तुलसा श्रेष्ठले कास्य पदकमा चित्त बुझाउनु परेको छ।
पुरुष हडल्सको स्वर्ण आर्मीले जित्यो
एक सय १० मिटर पुरुष हडल्समा त्रिभुवन आर्मीका निरकुमार चौधरीले स्वर्ण पदक जितेका छन्।
उनले १५ दशमलव ५६ सेकेण्डमा दूरी पार गर्न सफल भएका थिए। यो स्पर्धामा नेपाल पुलिस क्लबका चन्द्रदेव जोशीले १५ दशमलव ६७ सेकेण्डका साथ रजत पदक जिते भने आर्मीका अशोक कुँवरले १६ दशमलव ७० सेकेण्डका साथ कास्य पदक हात पारे।
