कस्तुरी मृगको बिनासहित दुई जनालाई प्रहरीले पक्राउ गरेको छ।
काठमाडौं उपत्यका अपराध अनुसन्धान कार्यालयको टोलीले दुई जनालाई पक्राउ गरेको एसपी रामेश्वर कार्कीले जानकारी दिए।
पक्राउ पर्नेमा नुवाकोट घर भएका ३९ वर्षीय सरोज परियार र बैतडीका ३२ वर्षीय जितेन्द्रबहादुर चन्द छन्। परियार पूर्व सैनिक समेत हुन्।
पक्राउ परेका चन्दविरूद्ध प्रहरी वृत्त बालाजुमा २०७५ मंसिर १७ गते डाँका चोरी मुद्दा दायर भएको थियो।
त्यस्तै, प्रहरी वृत्त महाराजगंजमा २०८१ वैशाख २७ गते बैंकिङ कसुरको मुद्दा दायर भएको थियो।
उनीहरूले काठमाडौंको शेषमति क्षेत्रमा बिना बेचबिखन गरिरहेको भन्ने सूचना पाएको थियो। उक्त सूचनाको आधारमा खटिएको टोलीले मंगलबार दुई जनालाई पक्राउ गरेको हो।
उनीहरूबाट ३० ग्रामको बिना समेत बरामद गरेको छ।
राष्ट्रिय निकुञ्ज तथा वन्यजन्तु संरक्षण ऐन, २०२९ अनुसार कारबाहीका लागि कार्यालयले डिभिजन वन कार्यालयमा बुझाएको छ।
-1746009348.jpg)
