सिआइबी हुँ भन्दै ६० लाख रुपैयाँको गरगहना ठगेको आरोपमा प्रहरी हवल्दारसहित चार जना पक्राउ परेका छन्।
काठमाडौं उपत्यका अपराध अनुसन्धान कार्यालयको टोलले चार जनालाई पक्राउ गरेको हो।
त्रिभुवन अन्तर्राष्ट्रिय विमानस्थलमा कार्यरत प्रहरी हवल्दार कर्णबहादुर सुनार पक्राउ परेका हुन्। उनीसँगै काभ्रेका दीपक आले मगर, रसुवाका बिक्रम तामाङ र २८ वर्षीय जीवन तामाङ पक्राउ परेको एसपी रामेश्वर कार्कीले जानकारी दिए।
उनका अनुसार विनोद लाम्गादेलाई बजारको दरभाउ भन्दा सस्तो दरमा बिल सहितको सुन बिक्री गर्ने भन्दै माघ १४ गते कीर्तिपुरको एक क्याफेमा उक्त समूहले बोलाएका थिए।
क्याफे पुगेका विनोदलाई उक्त समूहले आफूहरू सिआइबी प्रहरी हो भनेर घेरा हालेका थिए।
यसरी उनीहरूले विनोदले बोकेको ६० लाख लगायतका धनमाल डाँका चोरी गरेको आरोप छ।
सुरूमा प्रहरीले दीपक आले मगरलाई माघ १८ गते भक्तपुरको कटुञ्जाट पक्राउ गरेको थियो।
उनीबाट एक लाख ९ हजार रुपैयाँ बरामद गरेको थियो। त्यस्तै एउटा मोटरसाइकल, दुई वटा बाइल र पाँच वटा सिम लगायत बरामद गरेको थियो।
बिक्रम र जिवनलाई प्रहरीले काठमाडौंको माछापोखरीबाछ मोटरसाइकल दुई वटा, चार लाख ३३ हजार नगद, दुई वटा मोबाइल, पाँच वटा सिमकार्ड पनि बरामद गरेको थियो।
त्यस्तै प्रहरीले फरार रहेका कर्णबहादुर सुनारलाई माघ २० गते काठमाडौंको टेकुबाट पक्राउ गरेको हो।
थप अनुसन्धानका लागि उनीहरूलाई प्रहरी वृत्त कालिमाटीमा राखिएको छ।
-1746009348.jpg)
