३६ वर्षभन्दा लामो समयसम्म विद्यालयमा पढाएर निवृत्त भई घर फर्कन लागेका शिक्षकलाई गोरखामा बाजागाजासहित डोली चढाएर बिदाइ गरिएको छ।
सिरानचोक गाउँपालिका ५ छोप्राकस्थित मण्डली माविका निवृत्त शिक्षक सीताराम पोखरेललाई शिक्षक, अभिभावक, विद्यालय व्यवस्थापन समिति र विद्यार्थीहरूले सोमबार धुमधामले बिदाइ गरेका हुन्।
निवृत्त भएका शिक्षक पोखरेल सिरानचोक गाउँपालिका वडा नम्बर ४ आरूबोटेका हुन्।
विद्यालयका अनुसार पोखरेल २०४६ मंसिर ३ गतेदेखि २०८२ माघ ९ गतेसम्म विद्यालयमा सेवा गरेका थिए।
शिक्षक पोखरेलले कूल ३६ वर्ष २ महिना ३ दिन विद्यालयमा सेवा गरेका थिए। उनी प्राथमिक तह प्रथम श्रेणीका शिक्षक थिए।
-1746009348.jpg)
