काठमाडौं महानगरपालिकाले बाढीको जोखिममा रहेका ३९३ जनालाई सुरक्षित स्थानमा सारेको छ।
अविरल वर्षापछि आएको बाढीले महानगर क्षेत्रका खोला किनारामा बस्दै आएका ३९३ जनालाई सुरक्षित स्थानमा सारिएको मेयर बालेन शाहले जानकारी दिएका छन्।
शनिबार सामाजिक सञ्जाल फेसबुकमा लेख्दै मेयर बालेनले यसबारे जानकारी दिएका हुन्।
उनकाअनुसार हालसम्म बाढीको जोखिममा रहेका बस्तीका मानिसलाई चार वटा विद्यालयमा सारिएको छ।
विश्व निकेतन मावि त्रिपुरेश्वरमा ७० जना, गुह्येश्वरी माविमा ५२ जना, जन विकास मावि कुलेश्वरमा ५२ परिवारका २५१ जना र महेन्द्र सरस्वती आधारभूत विद्यालय टेकुमा २० जनालाई राखिएको छ।
महानगरको शिक्षा विभागले महानगरभित्रका ७० वटा विद्यालयमा तत्कालका लागि आश्रयस्थल (सेल्टर) को व्यवस्था गर्न सकिने जनाएको छ । उद्धार गरिएकाहरूका लागि खाने र बस्ने व्यवस्था महानगरपालिकाले गरिरहेको छ।
महानगरले कुनै समस्या परेमा १६६००१०५५११, ०१५९०१७६४, ०१५९०१७६३ मा सम्पर्क गर्न सबैलाई अनुरोध गरेको छ।
'पानी रोकिएको छैन। बाढी, पहिरो र डुबानको झोखिम सकिएको छैन। त्यसैले अत्यावश्यक नपरी घर बाहिर ननिस्किनुहोला। बाढी, पहिरो र डुवान हेर्न नजानुहोला। आफ्नो र आफ्नो परिवारको सुरक्षालाई पहिलो प्राथमिकता दिनुहोला। यहाँहरूलाई हाम्रो अनुरोध छ,' मेयर बालेनले लेखेका छन्।
-copy-1761394385.jpg)
-1746009348.jpg)
