राजविराजको मतगणना ८ बजेदेखि


सप्तरी सदरमुकाम राजविराज नगरपालिकाको मतगणना राती ८ बजे सुरु हुने भएको छ।

वडा नम्बर १५को मतदान केही बेरअघि सकिएको र मतपेटिक खेलकुद विकास समितिमा जम्मा गरिएको मुख्य निर्वाचन अधिकृत शारदाप्रसाद कोइरालाले जानकारी दिए।

सर्वदलीय बैठकपछि ८ बजेदेखि मतगणना सुरु गर्ने सहमति भएको उनले बताए। राजपाका वडाध्यक्ष उम्मेदवारको मृत्यु भएपछि सोमबार यहाँ मतदान भएको थिएन। १५ वडामा मतदान नभएपछि अरू वडाको पनि मतगणना सुरु भएको थिएन। राजविराजमा राष्ट्रिय जनता पार्टी र माओवादीबीच मुख्य प्रतिस्पर्धा हुने आकलन छ। मधेश आन्दोलनको महत्वपूर्ण शहर राजविराजको मेयरमा राजपाले शम्भूप्रसाद यादवलाई उठाएको छ। माओवादीले अनिश अन्सारीलाई अघि सारेको छ।

संघीय समाजवादी फोरमका उम्मेदवार भीमराज यादव र एमालेका उम्मेदवार सुखीराम यादवपनि प्रतिस्पर्धामा छन्। नेपाली कांग्रेसले राजविराजमा ध्रुव देव उम्मेदवा बनेका छन् ।

Share:

© 2017 Setopati Sanchar Pvt. Ltd.