राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले उपाध्यक्ष र केन्द्रीय सदस्य दुवै पदबाट मुकुन्दश्याम गिरीलाई पदमुक्त गरेको विरोधमा राप्रपा सुर्खेतको कार्यालयमा तालाबन्दी भएको छ।
राष्ट्रिय प्रजातान्त्रिक युवा संगठन सुर्खेतले सोमबार राप्रपा सुर्खेत कार्यालयमा तालाबन्दी गरेका हुन्।
यो पनि: राप्रपामा गम्भीर मतभेद, रवीन्द्र मिश्र मौन
अध्यक्ष लिङ्देनले साउन २ गते सुर्खेत घर भएका गिरीलाई उपाध्यक्ष र केन्द्रीय सदस्य पदबाट हटाएका थिए। अध्यक्ष लिङ्देनको उक्त निर्णयविरूद्ध गिरी निर्वाचन आयोग पुगेका छन्।
यो पनि: लिङ्देनले किन खोसे राप्रपा नेताहरूको पद?
उपाध्यक्ष गिरीमाथिको कारबाहीलाई लिएर राप्रपा सुर्खेतले आधिकारिक धारणा सार्वजनिक नगरेसम्म तालाबन्दी गरिने राष्ट्रिय प्रजातान्त्रिक युवा संगठन सुर्खेतले निकालेको विज्ञप्तिमा उल्लेख छ।
अध्यक्ष लिङ्देनले आफूले मनोनीत गरेकाहरूले आफैलाई घेराबन्दी गरेको भन्दै अहिलेसम्म तीन जना नेतालाई पदमुक्त गरिसकेका छन्।
-1746009348.jpg)
