प्रमुख प्रतिपक्षी नेकपा (माओवादी केन्द्र) को आह्वानमा संघीय संसद भवन नयाँ बानेश्वरमा विपक्षी दलहरूको बैठक बसेको छ।
प्रतिपक्षी दल नेता माओवादी केन्द्रका अध्यक्ष पुष्पकमल दाहाल 'प्रचण्ड' को कार्यकक्षमा शुक्रबार दिउँसो बैठक बसेको हो। छलफलमा माओवादी, रास्वपा र एकीकृत समाजवादीका नेताहरू सहभागी छन्।
राप्रपालाई भने छलफलमा बोलाइएको छैन।
प्रतिपक्षी दलहरूले गृहमन्त्री रमेश लेखकको राजीनामा र छानबिन समिति गठनको माग गरिरहेका छन्।
भिजिट भिसा प्रकरणमा गृहमन्त्री लेखकले राजीनामा दिनुपर्ने माग प्रतिपक्षीहरूको छ।
यही कारणले प्रतिपक्षीहरूले सदनमा अवरोध गर्दै आएका छन्। आज दिउँसो १ बजे बोलाइएको बैठक अझै बस्न सकेको छैन।
