नेपाली कांग्रेसले पार्टीका स्वदेशदेखि विदेशसम्मका सबै कार्यालयहरूमा 'नो प्लास्टिक जोन' बनाउने भएको छ।
मुख्यसचिव कृष्णप्रसाद पौडेलले जेठ २१ गते मातहत कार्यालयहरूलाई पठाएको कार्यान्वयन पत्रमा जेठ २२ गतेदेखि पार्टीका स्वदेशदेखि विदेशसम्मका कार्यालयमा 'नो प्लास्टिक जोन' बनाउन भनिएको छ।
सभापति शेरबहादुर देउवाले वातावरण तथा जलवायु सरोकार विभागले जेठ १८ मा सानेपामा गरेको कार्यक्रममा बोल्दै सबै कार्यालयमा प्लास्टिकरहित क्षेत्र बनाउन भनेका थिए।
