नेपाली कांग्रेसको केन्द्रीय कार्यसमिति बैठक आइतबार बस्दैछ।
पार्टी केन्द्रीय कार्यालय सानेपामा दिउँसो २ बजे केन्द्रीय समिति बैठक बस्ने प्रवक्ता विश्वप्रकाश शर्माले जानकारी दिए। उनकाअनुसार आजको बैठकमा १४ औं महाधिवेशनको कार्यतालिकाबारे छलफल हुनेछ।
कांग्रेसले फागुन ७ देखि १० सम्म काठमाडौंमा महाधिवेशन गर्ने निर्णय गरिसकेको छ।
तर प्रदेश, जिल्लालगायत तल्ला तहका अधिवेशनका कार्यतालिका हेरफेर गर्नुपर्ने भएपछि केन्द्रीय समिति बैठक बोलाइएको हो। कोरोना महामारीले क्रियाशील सदस्यता वितरण तथा नविकरण र संघीय संरचनाअनुसार पार्टी संरचना समायोजनका काम बाँकी हुँदा यसअघि तय गरेको अधिवेशनका कार्यतालिका हेरफेर गर्न लागिएको कांग्रेसले जनाएको छ।
