दाङमा बिहानैदेखि मतदाता परिचयपत्र लिनेको भीड,हेर्नुहोस् तस्बिरमा

दाङमा बिहानैदेखि मतदाता परिचयपत्र लिनेको भीड,हेर्नुहोस् तस्बिरमा

मावि सेन्टरमा मतदान परिचय पत्र लिन गएका मतदाता


मंसिर २१ गते हुने चुनावका लागि मंगलबार बिहानैदेखि दाङमा परिचय पत्र लिनेहरूको भीड लागेको छ।

स्थानीय तहको निर्वाचनभन्दा यसपटक दाङमा ४७ हजार ७ सय ३९ मतदाता बढी थपिएका छन्। स्थानीय तहको निर्वाचनमा दाङमा कुल मतदाता संख्या दुई लाख ९१ हजार एक सय ७५ थियो भने  यसपटक तीन लाख ३८ हजार नौ सय १४ पुगेको छ ।

नयाँ मतदाताहरूका लागि मतपत्र वितरण थालिएको छ। नयाँ मतदाता उत्साहित हुँदै आ–आफ्नो मतदान परिचय पत्र लिन सम्बन्धित मतदान केन्द्रहरूमा एकाबिहानै पुगेको छन्। मंगलबार बिहान सात बजेदेखि तुलसीपुर बजारको अरनीको मैदान र मावि सेन्टरमा पुग्दा नयाँ मतदाता उत्सुकताको साथ आफ्नो परिचय पत्र खोजिरहेका देखिन्थे।

अरनीको मैदानस्थित खुल्ला चौरमा मतदान परिचय पत्र भेला भएका मतदाता

आसन्न निर्वाचनको लागि दाङमा १ सय ५१ मतदान स्थल र ३ सय ९४ मतदान केन्द्र निर्धारण गरिएको छ। तीन निर्वाचन क्षेत्र रहेको दाङमा निर्वाचन क्षेत्र नं. १ मा १ सय २९ , क्षेत्र नं. २ मा १ सय २८ र क्षेत्र नं. ३ मा १ सय ३७ मतदान केन्द्र रहेको दाङका सहायक निर्वाचन अधिकृत भुपेन्द्र भण्डारीले सेतोपाटीलाई बताए । कुल मतदातामध्ये एक लाख ६६ हजार एक सय पुरुष, एक लाख ७२ हजार ८ सय १२ जना महिला र २ जना तेस्रो लिङ्गी रहेको भण्डारीले बताए ।

दाङका तीन निर्वाचन क्षेत्रमध्ये सबैभन्दा धेरै मतदाता निर्वाचन क्षेत्र नं. ३ मा रहेका छन्। यस क्षेत्रमा १ लाख १८ हजार नौ सय ८७ जना मतदाता रहेको यो निर्वाचन क्षेत्रमा पुरुष मतदाताको संख्या ५८ हजार दुई सय चार र महिला मतदाताको संख्या ६० हजार सात सय ८२ रहेको छ । उक्त क्षेत्र अन्तर्गत प्रदेश निर्वाचन क्षेत्र (१) मा ५३ हजार एक सय ८५ र प्रदेश क्षेत्र नं. २ मा ६५ हजार आठ सय दुई मतदाता रहेका छन्।

मावि सेन्टरबाट परिचय पत्र पाएपछि निस्किदैँ गरेका एकजना बयस्क व्यक्ति

त्यस्तै, प्रतिनिधिसभा निर्वाचन क्षेत्र नं. २ मा १ लाख आठ हजार आठ सय ७० मतदाता छन्। यो निर्वाचन क्षेत्रमा पुरुष मतदाताको संख्या ५२ हजार ५५ र महिला ५६ हजार आठ सय १५ जना रहेको निर्वाचन कार्यालयले जानकारी दिएको छ । यो क्षेत्रको प्रदेश क्षेत्र नं. १ मा ५१ हजार सात सय र प्रदेश क्षेत्र नं. २ मा ५७ हजार एक सय ७० जना मतदाता रहेका छन्।

मतदान परिचय पत्र पाएपछि हेर्दै अरनीको मैदानबाट निस्किँदै गरेका एक जना किशोर

त्यस्तै, दाङको निर्वाचन क्षेत्र नं. १ मा एक लाख ११ हजार ९६ मतदाता रहेका छन्। जहाँ पुरुष मतदाताको संख्या ५५ हजार आठ सय ५८ र महिला मतदाताको संख्या ५५ हजार दुई सय ३६ रहेका छन्। यहाँ प्रदेश निर्वाचन क्षेत्र नंं. १ मा ५८ हजार तीन सय ९६ र प्रदेश निर्वाचन क्षेत्र नं. २ मा ५२ हजार सात सय मतदाता रहेको जानकारी दिइएको छ ।

 

Share:

© 2017 Setopati Sanchar Pvt. Ltd.