काठमाडौंको कुन कलेजमा के-के हुन्छ पढाइ, कुन सस्तो कुन महँगो


पछिल्लो समय काठमाडौंमा उच्च शिक्षा हासिलका लागि चोक-चोकमा कलेजहरु खुलेका छन् । काठमाडौंमा मात्रै सयभन्दा बढी कलेजहरु स्थापना भएतापनि ४८ वटाजति बढी कलेजहरुमा सधैँ विद्यार्थी भरिभराउ हुन्छन् ।

प्लस टु सिध्याएर ब्याच्लर अध्ययन गर्न चाहने विद्यार्थीहरुको लागि काठमाडौं उपत्यकामा भएका कलेजहरु एकै स्थानमा भेला भएर निशुल्क परामर्श दिइरहेका छन् ।
काठमाडौंको अन्नपूर्ण होटलमा शनिबारबाट सुरु भएको शैक्षिक मेला आइतबार सकिनेछ ।

मेलामा ४० भन्दा बढी कलेजहरु सहभागी भएका छन् । बिबिए, एमबिए, बिआईटी, बिआईएम, बिएचएम, बिटिटिएम, बिबिएम, बिएचसिएम, बिएएसडब्लू, बिबिएस, बिएस्सीसिएस आईटी, बिडेभ्स लगायतकोर्ष पढ्न चाहने बिद्यार्थी यो मेला बाट लाभान्वित हूने आयोजक जीवन लामाले बताए।

मेलामा सहभागी भएका कलेजहरुबाट हामीले ती कलेजमा हुने पढाइ कोर्ष र लाग्ने लागतका विषय बटुलेका छौं ।

एट्लान्टिक इन्टरनेसनल कलेज, ठमेल

ठमेल गल्कोपाखा स्थित एट्लान्टिक इन्टरनेसनल कलेजले बिगत ६ वर्षदेखि नेपालको शैक्षिक क्षेत्रमा योगदान दिइरहेको छ। बिबिए र बिबिए–बिआई अध्यापन गराइरहेको यस कलेज पोखरा विश्व विद्यालय सम्बन्धन प्राप्त कलेज हो।

यस कलेजमा ४ वर्षे बिबिए अध्यन गरेको ४ लाख ५० हजार र बिबिए–बिआई को ४ लाख ७५ हजार हुल्क लाग्ने कलेजका निर्देशक ध्रुब सुबेदीले बताउँछन्। त्यस्तै बिद्यार्थीको परिक्षा फल अनुसार शुल्क छुट समेत हुने उनले जानकारी दिए।

यस कलेजबाट हालसम्म ६५ जनाले विश्व विद्यालय टप गरेको सुवेदीको दाबी छ। यस कलेजले बिबिए–बिआइ को बिद्यार्थीलाई एउटा कक्षामा २४ जनाको दरले र बिबिएका बिद्यर्थीलाई ३२ जनाको दरले राख्ने गर्दछ।

आर्यन स्कूल अफ इन्जिनियरिङ एण्ड म्यानेजमेन्ट, मध्यबानेश्वर, काठमाडौं

आशिष पौडेल, भर्ना विभाग प्रमुख–यो कलेजमा बिई सिभिल इन्जिनियर, बिआईटी (ब्याचलर अफ इन्फर्मेसन टेक्नोलोजी), बिसिए (ब्याचलर अफ कम्प्युटर एप्लिकेसन) र बिबिए (ब्याच्लर अफ बिजनेस एडमिनिस्ट्रिसन) पढाई हुने गर्दछ।

पुर्वान्चल विश्वविद्यालयबाट सम्वन्धन प्राप्त यस कलेजमा अध्यापन गराइने यी प्रोग्रामको छुट्टाछुट्टै शुल्कहरु तय गरिएको छ। यी सबै चार वर्षे कोर्स हुन्। बिई सिभिलका लागि ९ लाख ६० हजार, बिआइटीका लागि ६ लाख ६० हजार, बिसिएका लागि ८ लाख ८१ हजार र बिबिएका लागि ४ लाख ३ हजार रुपैयाँ शुल्क निर्धारण गरिएको छ।

यी शुल्कहरुमा विद्यार्थीहरुको प्लस टुको नतिजा तथा इन्ट्रान्स परीक्षामा ल्याएको नतिजा अनुसार छात्रवृत्तिको पनि व्यवस्था गरिएको छ। र्याङ्किङका आधारमा हाम्रो कलेज निकै अगाडि छ। २०१० देखि हामीले अध्यापन गराइरहेका छौँ।

क्वेस्ट इन्टरनेसनल कलेज, ग्वार्को ललितपुर

निर्देशक उदयराज पौडेलका अनुसार यस कलेज पोखरा विश्वविद्यालयबाट सम्वन्धन प्राप्त  छ । यहाँ बिएचएम, बिबिए र एमबिए पढाई हुने गर्दछ। बिएचएम र बिबिए ४ वर्षे कोर्ष हो भने एमबिए २ वर्षे हो। बिएचएमको शुल्क ५ लाख ९६ हजार, बिबिएको ४ लाख ९६ हजार, एमबिएको ६ लाख १५ हजार रुपैयाँ शुल्क निर्धारण गरिएको छ।

यसमा विश्वविद्यालयको छात्रवृत्ति पनि रहेको छ। हाम्रोमा कुल ६ सय विद्यार्थीहरुको कोटा रहेको छ। यो कोटा फूल हुने गरेको छ। एक्स्ट्रा एक्टिभिटिजका सिपहरु पनि हामीले प्रदान गर्ने गर्दछौँ।

मेधावी कलेज शंखमुल नयाँ बानेश्वर काठमाडौं

बिबिएः चार वर्ष( आठ सेमेष्टर)
शुल्कः ५ लाख ५० हजार
बिएचएममा ६ लाख ५० हजार खर्च लाग्ने प्रिन्सिपल जयराम खनालले जानकारी दिए।

लिबर्टी कलेज, अनामनगर, काठमाडौं

बिबिएः चार वर्षे
शुल्कः ४ लाख ७७ हजार
बिएचएमः ४ लाख

पाटन कलेज, कुपुन्डोल ललितपुर

युनिभर्सिटी अफ बेडफोर्डसिर, बेलायतबाट सम्बन्धन प्राप्त निम्न शंकायका अध्ययन यो कलेजमा हुन्छन् जसको शुल्क निम्नानुसार छः

बिबिए–बिए अनर्सः ३ वर्षे वार्षिक कोर्ष
शुल्कः आठ लाख
बिएससी(अनर्स) इन कम्प्युटर साइन्स एण्ड सफ्टवेयर इन्जिनियरिङ

शुल्कः ९ लाख

आइआइएमस कलेज

काठमाडौंको डिल्लीबजारमा पुतलीसडकमा रहेको यो कलेजमा युसीएसआई विश्वविद्यालयका कार्यक्रमहरु संचालन गरिरहेको छ। विदेशी विश्वविद्यालयका शैक्षिक कार्यक्रम संचालन गरी नेपालमै डिग्री दिने बताउने यो कलेजमा बिबिए, बिएचएम र एमबीएका कार्यक्रम संचालनमा रहेका छन्। जसको शुल्क र कार्यक्रम निम्नानुसार छन्ः
बिएचएम
शुल्कः ६ लाख
बिआइटी
शुल्कः ५ लाख ५० हजार
एमबीए
शुल्कः ३ लाख ५० हजार

आइएसटी कलेज, ज्ञानेश्वर, काठमाडौं

होटल म्यानेजमेन्ट तथा पर्यटन व्यवस्थापन, अतिथी सत्कार सम्बन्धि मात्र अध्ययन हुने यो कलेजले युसिएलएएन विश्वाविद्यालयबाट सम्बन्धन लिएर शैक्षिक उपाधि दिइरहेको छ।

चिनियाँ भाषाको अनिवार्य कक्षा रहेको यो कलेजमा होटल व्यवस्थापनमा स्नातकको शिक्षा दिँदै आएको छ।
बिएचएमः चार वर्षे
शुल्कः ६ लाख ९५ हजार

मोडर्न नेपाल कलेज, सोह्रखुट्टे काठमाडौं

बिबिएः चार वर्षे (त्रिभुवन विश्वविद्यालयबाट सम्बन्धन प्राप्त)
शुल्कः ६ लाख २७ हजार ५ सय

नर्भिक बिजनेश स्कुल,हात्तीसार काठमाडौं

बिबिएः चार वर्षे(पोखरा विश्वविद्यालय)
शुल्कः ५ लाख ३० हजार

हेराल्ड कलेज, बिशालनगर काठमाडौं

बेलायतको युनिभर्सिटी अफ वल्भरह्याम्टनबाट सम्बन्धन लिएर शैक्षिक कार्यक्रम चलाइरहेको यो कलेजमा अध्ययन हुने कार्यक्रम र शुल्क निम्नानुसार छः
बिएस्सी(अनर्स) कम्प्युटर साइन्स
शुल्कः कलेज शुल्क ४ लाख ५२ हजार
विश्वविद्यालय शुल्कः १ हजार ५ सय पाउन्ड
बिए(अनर्श) इन इन्टरनेसनल बिजनेस म्यानेजमेन्ट
शुल्कः कलेज शुल्कः ३ लाख ८८ हजार
विश्वविद्यालय शुल्कः २ हजार पाउन्ड

 

नेसनल कलेज, बालुवाटार काठमाडौं

यो कलेजमा ब्याचलर अफ सोसलसाइन्स, ब्याचलर अफ डेभलपमेन्ट फाइनान्स र ब्यचलर अफ डभलेपमेन्ट स्टडिजको अध्ययन हुन्छ। काठमाडौं विश्वविद्यालयबाट सम्बन्ध प्राप्त यो कलेजमा उपरोक्त कार्यक्रमको अध्ययन पुरा गर्न ६ लाख रुपैयाँ लाग्छ।

डिएभी कलेज अफ म्यानेजमेन्ट, भनिमण्डल ललितपुर

बिबिए चारवर्षे( आठ सेमेष्टर) त्रिभुवन विश्वविद्यालयबाट सम्बन्धन प्राप्त
शुल्कः करिब सात लाख
बिबिएस(चार वर्षे)
शुल्कः करिब चार लाख

किस्ट कलेज, कमलपोखरी

सम्बन्धनः त्रिभुवन विश्वविद्यालय, बिआइटी पुर्वान्चल
विषयः बिबिए, बिआइटी, बिबिएस, बिआइएम
अवधिः चार वर्ष (आठ सेमेस्टर)
शूल्कः
बिबिएः ७ लाख १० हजार
बिआइटीः ५ लाख ९५ हजार
बिआइएमः ५ लाख ७५ हजार
छात्रवृतिः कलेजले लिने प्रवेश परिक्षामा टप गर्ने तथा पिछडिएको क्षेत्रबाट गरी चार जनालाई

टेक्सास इन्टरनेश्नल कलेज, मित्रपार्क

सम्बन्धनः त्रिभुवन विश्वविद्यालय
विषयः बिएससी.सिएसआइटी
अवधिः चार वर्ष (आठ सेमेस्टर)
शूल्कः
बिएससी.सिएसआइटीः ७ लाख ९० हजार
छात्रवृतिः ट्युसन शूल्क तर्फ +२ को परिक्षाफलको आधारमा ३० प्रतिशतसम्म, कलेजले लिने प्रवेश परिक्षाको आधारमा ६० तथा अन्र्र्तवार्तामा १० प्रतिशतसम्म छुट पाइने।

अर्किड इन्टरनेसनल कलेज, गौशला
सम्बन्धनः त्रिभुवन विश्वविद्यालय
विषयः बिएससी.सिएसआइटी र बिआइएम
अवधिः चार वर्ष (आठ सेमेस्टर)
शूल्कः
बिएससी.सिएसआइटीः ७ लाख
बिआइएमः ५ लाख २० हजार
छात्रवृतिः ट्युसन शूल्क तर्फ +२ को परिक्षाफल तथा कलेजले लिने प्रवेश परिक्षामा ल्याएको अंकका आधारमा ५० प्रतिशतसम्म

लर्ड बुद्ध एडुकेसन फाउण्डेसन, मैतीदेवी
सम्बन्धनः मलेसियाको एसिय प्यासिफिक विश्वविद्यालय
विषयः बिबिएम
अवधिः तीन वर्ष (६ सेमेस्टर)
शूल्कः
बिबिएमः ५ लाख ९४ हजार
छात्रवृतिः कलेजले लिने परिक्षामा उत्कृष्ट अंक ल्याउनेहरुलाई ५० देखि १०० प्रतिशतसम्म

इस्लिङ्टन कलेज, कमलपोखरी

सम्बन्धनः बेलायतको लण्डन मेट्रोपोलिटन विश्वविद्यालय
विषयः बिएससी इन कम्युटर नेटवर्किङ एण्ड आइटी सेक्युरिटी, बिएससी इन कम्युटिङ, बिएससी इन मल्टिमिडिया टेक्नोलोजी
अवधिः तीन वर्ष (६ सेमेस्टर)
शूल्कः सबै विषयको दश लाख
बिआइएमः ५ लाख २० हजार
छात्रवृतिः हरेक विषयको जम्मा सिट संख्याको १० प्रतिशतलाई ५० देखि शतप्रतिशतसम्म, भर्ना भएका विधार्थीले पहिलो र दोश्रो वर्षमा ल्याएको परिक्षा अंकका आधारमा शत प्रतिशतसम्म र अन्तिम वर्ष अध्ययन सकाएर कलेज ‘टप’ गर्नेलाई लण्डन मेट्रोपोलिटन विश्वविद्यालय वार्षिक ३३ हजार पाउण्ड।

युनिग्लोब कलेज

काठमाडौंको कमलादीमा अवस्थित यो कलेजमा पोखरा विश्वविद्यालयका कार्यक्रमहरु संचालन भइ रहेको छ। यस कलेजले बिबिए, बिबिएबिआई, एमबिए, एमबिए फाइनान्स अध्यापन गराइरहेको छ। जसको शुल्क र कार्यक्रम निम्नानुसार छन्ः
एमबिए (२ वर्षे)
शुल्क –६ लाख ५० हजार

एमबिए फाइनान्स (२ वर्षे)
शुल्क –६ लाख ५० हजार

बिबिए(४ वर्षे )
शुल्क ७ लाख ४० हजार

बिबिए बिआई (४ वर्षे )
शुल्क ७ लाख ४० हजार

एभरेष्ट कलेज, थापाथली काठमाडौं

एभरेष्ट कलेजमा बिबिए, बिबिएस र एमबिस अध्यापन हुने गरेको छ। कलेज संचालन गरेको १९ वर्ष पुरा भइसक्यो। त्रिभुवन विश्वविद्यालयबाट सम्वन्धन प्राप्त छौँ। बिबिए र बिबिएस चार वर्षे तथा एमबिएस दुई वर्षे कोर्श हो।

बिबिए अध्ययन गर्नका लागि ७ देखि साढे ७ लाख रुपैयाँ खर्च लाग्दछ भने बिबिएसका लागि २ लाख २० हजार र एमबिएसका लागि १ लाख २० हजार रुपैयाँ शुल्क छ। उत्कृष्ट विद्यार्थीहरुलाई त्रिभुवन विश्वविद्यालयले छुट्याएको छात्रवृत्ति पनि प्राप्त हुन्छ।

के एण्ड के कलेज, नयाँ बानेश्वर
अमित तिवारी, सुपरभाइजरका अनुसार यस कलेजमा बिबिए, बिबिएस, बिएसडब्लु तथा बिए अध्ययन गर्न चाहने विद्यार्थीहरुका लागि उपयुक्त छ। बिबिए र बिबिएस चार वर्षे कोर्ष हो भने बिएसडब्लु र बिए तीन वर्षे कोर्ष हो।

बिबिएको लागि ६ लाख ५५ हजार, बिबिएसको १ लाख ६० हजार, बिएसडब्लुको १ लाख ७५ हजार र बिएको लागि १ लाख रुपैयाँ शुल्क निर्धारण गरिएको छ। यसमा विद्यार्थीहरुको नतिजा, गरिब तथा दुर्गम जिल्लाकाका लागि छात्रवृत्तिको पनि व्यवस्था छ।

एपेक्स कलेज, मध्य बानेश्वर

काठमाडौंको मुटु मध्य बानेश्वरमा अवस्थित यो कलेजमा पोखरा विश्वविद्यालयका कार्यक्रमहरु संचालन भइ रहेको छ। यस कलेजले बिबिए, बिबिए–बिआई, बिबिए–टिटि बिसिआईएस र एमबिए अध्यापन गराइरहेको छ। जसको शुल्क र कार्यक्रम निम्नानुसार छन्ः
बिबिए (४ वर्षे )
शुल्क ७ लाख २३ हजार

बिबिए बिआई (४ वर्षे )
शुल्क ७ लाख २३ हजार

बिबिए टिटि (४ वर्षे )
शुल्क ७ लाख २३ हजार
बिसिआईएस (४ बर्षे )
शुल्क ७ लाख ३९ हजार ५ सय
एमबिए (बिहानी ) २ वर्षे

नेसनल कलेज अफ कम्प्युटर स्टडिज, पाङकजोल, काठमाडौं

बिएचएम, बिएससी सिएसआइटी, बिआइएम अध्यापन गराइन्छ। बिएचएमको शुल्क ५ लाख ६५ हजार, बिएससी सिएसआइटीको ६ लाख ८५ हजार र बिआइएमको ५ लाख ३५ हजार रुपैयाँ शुल्क तोकिएको छ।

कोलम्बस कलेज, नयाँ बानेश्वर
सम्बन्धनः चाटर्ड ग्लोबल म्यानेजमेन्ट एकाउण्टेन्ट (सिजीएमए)
विषयः सिआइएमए
अवधिः २ वर्ष
शूल्कः ५ लाख
छात्रवृतिः विधार्थीको परिक्षामा ल्याएको नतिजाका आधारमा ५० प्रतिशतसम्म।

थेम्स कलेज, बत्तिस पुतली
२००३ सालमा स्थापना भएको राजधानीको बत्तिस पुतलीस्थित थेम्स कलेजमा टियु विश्वविद्यालयका कार्यक्रमहरु संचालन भइ रहेको छ। यस कलेजले बिबिए, बिएसडब्लु, बिआइएम र बिबिएस अध्यापन गराइरहेको छ। जसको शुल्क र कार्यक्रम निम्नानुसार छन्ः
बिबिए (४ वर्षे )
शुल्क ७ लाख ५८ हजार

बिआईएम (४ वर्षे )
शुल्क ७ लाख ५८ हजार

बिबिएस (४ वर्षे )
शुल्क २ लाख १५ हजार

बिएसडब्लु (३ वर्षे )
शुल्क ४ लाख ४३ हजार

द ब्रिटिस्ट कलेज,थापाथली
राजधानीको थापाथली स्थित द ब्रिटिस्ट कलेजमा बेलाएतका विश्वविद्यालयका कार्यक्रमहरु संचालन भइ रहेको छ। यो कलेजमा बिबिए (हन्स) बिज्नेस एण्ड म्यानेज्मेन्ट, बिएससी(हन्स) कम्प्युटिङ, एमएससी–आइबिएम, एमबिए एक्जुकेटिभ, एसिसिए लगाएतका बिषय अध्यापन भइरहेको छ। यो कलेजमा बेलाएतको युनिभरसिटि अफ वेस्ट इङ्गल्याड र लिड्स विकेट युनिभरसिटीका कार्यक्रमहरु संचालन भइ रहेको छ। यो कलेजमा पढ्ने बिद्यार्थीको लागि रोजगारी र बिदेशमा पढ्ने अवसरको कुनै कठिनाई नहुने कलेजले जनाएको छ।

Share:

प्रतिकृया दिनुहोस

© 2017 Setopati Sanchar Pvt. Ltd.