डिजिटल भुक्तानी सेवा प्रदायकमध्ये एक नमस्ते पेले बस टिकटिङ सेवा औपचारिक रूपमा सुरु गरेको छ।
यो सुविधा कात्तिक २४ गतेबाट एन्ड्रोइड र आइओएस दुवै संस्करणमा उपलब्ध भएको कम्पनीले जानकारी दिएको छ।
अब प्रयोगकर्ताले देशभरका विभिन्न मार्गमा चल्ने बस तथा हाइएसका टिकटहरू खोज्न, तुलना गर्न र एपमै बसेर बुक गर्न सक्नेछन्।
यसअघि काउन्टर धाउनुपर्ने वा तेस्रो पक्षका प्लेटफर्ममा भर पर्नुपर्ने बाध्यता अब हटेको कम्पनीको दाबी छ। नयाँ सेवाले अन्तर–नगर तथा लामो दूरी यात्रा सरल, छरितो र विश्वसनीय बनाएको नमस्ते पेले जनाएको छ।
भुक्तानीदेखि लिएर यात्रा व्यवस्थापनसम्म सबै सुविधा एउटै एपबाट सुरक्षित रूपमा प्रयोग गर्न सकिने कम्पनीको प्रतिबद्धता यो सुविधाले झनै मजबुत बनाएको छ।
प्रयोगकर्ताले नमस्ते पे एपको ‘बस टिकट’ सक्सनमार्फत सेवा प्रयोग गर्न सक्नेछन्। टिकट भुक्तानी वालेट ब्यालेन्स वा लिंक गरिएका बैंक खातामार्फत सजिलै गर्न मिल्नेछ।
-1746009348.jpg)
