व्यवसायिक शिक्षा र रोजगारीबीचको खाडल घटाउने उद्देश्यसहित इम्बार्क कलेजले दुई नयाँ कार्यक्रम सार्वजनिक गरेको छ।
कलेजले ‘व्यावहारिक सीप तालिम कार्यक्रम’ र ‘स्टार्टअप क्षमता विकास कार्यक्रम’ शुभारम्भ गरेको हो।
कार्यकारी निर्देशक तथा सिइओ आशिष ठाकुरका अनुसार यी कार्यक्रमहरूले स्नातकलाई रोजगारी सुनिश्चित गर्ने र उद्यमशीलता प्रवर्द्धन गर्ने उद्देश्य राखेका छन्।
उनले भने, ‘शैक्षिक जीवनपछि व्यवसायिक जीवनमा प्रवेश गर्दा हुने अनिश्चितता अब समाप्त हुन्छ। उद्योगसँग प्रत्यक्ष सहकार्य गरेर हामीले करियर–रेडी शिक्षाको नयाँ मापदण्ड स्थापित गरेका छौं।’
व्यवहारिक सीप तालिम कार्यक्रममार्फत योग्य स्नातकलाई नेपालका प्रमुख उद्योग तथा उद्यमसँगको सहकार्यमा रोजगारी दिलाइनेछ।
यो कार्यक्रम संरचित तालिम आवश्यकताको मूल्याङ्कन, व्यावसायिक परामर्श, नियमित मूल्याङ्कन र दीर्घकालीन साझेदारीमा आधारित हुने कलेजले जनाएको छ।
स्टार्टअप क्षमता विकास कार्यक्रम भने कानुनी रूपमा दर्ता भई १० वर्षभन्दा कम सञ्चालनमा रहेका र वार्षिक कारोबार १५ करोडभन्दा कम भएका नवप्रवर्तन व्यवसायलाई लक्षित गरिएको छ। यस कार्यक्रमले राष्ट्रिय स्टार्टअप नीति २०८० र औद्योगिक उद्यम ऐन २०७६ अनुसार नवप्रवर्तनशील व्यवसायलाई सहयोग गर्नेछ।
सीईओ ठाकुरले नेपालमा उद्यमशीलताको सम्भावना ठूलो भए पनि स्रोतको अभाव रहेको बताए।
‘हाम्रो कार्यक्रमले नवप्रवर्तनलाई दीगो व्यवसायमा परिणत गर्न मद्दत गर्नेछ’ उनले भने।
यी कार्यक्रमहरूबाट उद्योगलाई दक्ष जनशक्ति उपलब्ध हुने र विद्यार्थीलाई सुनिश्चित रोजगारी तथा उद्यमशीलतालाई रणनीतिक आधार प्रदान हुने अपेक्षा गरिएको छ।
-1755241369.jpg)
-1746009348.jpg)
