ओभरपासमा गाडी चल्न थालेपछि यस्तो देखियो ग्वार्को (तस्बिरहरू)

नवीनबाबु गुरूङ

काठमाडौं, असार ७

ग्वार्को ओभरपास सञ्चालन भएको छ।

ओभरपास निर्माण सम्पन्न भएसँगै शुक्रबार प्रधानमन्त्री केपी शर्मा ओलीले उद्घाटन गरेका थिए। उद्घाटनपछि ओभरपासबाट सवारी साधन चल्न थालेको छ।

ओभरपास बनाउने काम २०७८ फागुनदेखि थालिएको थियो। दुई वर्षमा निर्माण पूरा गर्ने गरी आशिष–समानान्तर–रेलिगेर जेभीले निर्माणको जिम्मा पाएको थियो। तर निर्माण कम्पनीले तोकिएको अवधिमा काम पूरा गर्न सकेन।

२०८२ फागुन १२ भित्र निर्माण पूरा गरिसक्ने सम्झौता थियो। उक्त अवधिमा काम नसकिएपछि २०८१ असारसम्मका लागि पहिलो पटक म्याद थपिएको थियो। त्यस अवधिमा पनि काम सकिएन। दोस्रो पटक पुस ९ गतेसम्मलाई समयावधि थप भयो।

पुस १० गतेबाट भने जरिवाना तिराउँदै निर्माण व्यवसायीलाई काममा लगाइएको थियो। निर्माण कम्पनीले यो ओभरपास १७ करोड ६ लाख ८८ रूपैयाँमा ठेक्का लिएको थियो।

यो बाटो पश्चिमी काभ्रेपलाञ्चोक, पूर्वी ललितपुर जानेहरू यो बाटो प्रयोग गर्छन्। लुभू, इमाडोलतर्फबाट सातदोबाटो, बालकुमारी, मंगलबजार जाने तथा मंगलबजारबाट इमाडोल, सातदोबाटो, बालकुमारीतर्फ जाने चोक हो यो।

ग्वार्को चोकको चक्रपथ खण्ड उचालेर ओभरपास बनाइएको हो। जहाँ कोटेश्वरतर्फ ३२० मिटर र्‍याम्प बनाइएको छ। सात दोबाटोतर्फको भाग भने १८५ मिटर छ।

चार लेनको यो र्‍याम्पको चौडाइ १०.२ मिटर छ।

ग्वार्को चार दोबाटो पनि हो। यो ओभरपास बनेपछि मंगलबजार र इमालडोलतर्फ जाने सवारी साधनहरू ओभरपासमुनिबाट ओहोरदोहोर गर्नेछन्। सातदोबाटो र कोटेश्वरतर्फ जाने सवारी साधनले मात्रै ओभरपास प्रयोग गर्न मिल्ने भएकाले जाम हट्ने विश्वास गरिएको छ।

तस्बिरहरूः

gwarko-overpass-running-(17)-ink-1750488882.jpeg