नदी नालाहरूमा बहाब बढेसँगै नेपाल विद्युत प्राधिकरण तथा निजी क्षेत्रबाट भइरहेको बिजुली उत्पादन बढेको छ।
भारतबाट आयात हुने बिजुलीको समय पनि थपिएको छ।
भारतले आज मे १ देखि इन्डियन एक्सचेन्ज मार्केट मार्फत् बिहान ६ बजेदेखि बेलुका ५ बजेसम्म ढल्केबर मुजफ्फरपुर लाइनबाट दिँदै आएको ६०० मे.वा विद्युत खरिदको समयावधि थप ४ घण्टा बढाएको हो।
अब बिहान २ बजेदेखि बेलुका ५ बजेसम्म आयात हुनेछ।
यसले हाल उद्योगमा भइरहेको विद्युत कटौती कम हुने प्राधिकरणले जनाएको छ।
बिहान २ बजेदेखि बेलुका ५ बजेसम्म औद्योगिक ग्राहकहरूले माग अनुसारको विद्युत पाउने उल्लेख छ।
