टेलिटक प्रा.लि.ले आज एचएमडीको नवीनतम स्मार्टफोन 'एचएमडी क्रेस्ट म्याक्स फाइभजी' नेपाली बजारमा सार्वजनिक गरेको छ।
अत्याधुनिक प्रविधियुक्त यस स्मार्टफोनमा उत्कृष्ट प्रदर्शन, उन्नत क्यामरा प्रणाली र सजिलै मर्मत गर्न मिल्ने प्रयोगकर्ता-अनुकूल डिजाइन समावेश गरिएको छ।
एचएमडीले विकास गरेको यो डिभाइस विशेषगरी दिगो प्रविधि र दीर्घकालीन प्रयोगका लागि तयार पारिएको हो, जसले नेपाली उपभोक्ताहरूलाई शक्तिशाली, भरपर्दो र वातावरणमैत्री मोबाइल अनुभव प्रदान गर्ने लक्ष्य राखेको छ।
टेलिटकका अनुसार एचएमडी क्रेस्ट म्याक्स फाइभजी नवीनतम प्रविधिसँग सुसज्जित हुनुका साथै नेपाली बजारको आवश्यकता र चाहनालाई मध्यनजर गरी तयार पारिएको हो।
स्मार्टफोनको डिजाइन, प्रदर्शन र मर्मतको सहजता यसलाई नेपाली उपभोक्ताका लागि एक उत्कृष्ट विकल्प बनाउने कम्पनीको भनाइ छ।
मुख्य विशेषताहरू:
अत्याधुनिक क्यामरा प्रणाली: यो स्मार्टफोन ट्रिपल रियर क्यामरा सेटअपले सुसज्जित छ, जसमा ६४ मेगापिक्सलको प्राइमरी क्यामरा, ५ मेगापिक्सेलको अल्ट्रा-वाइड लेन्स र २ मेगापिक्सेलको म्याक्रो सेन्सर समावेश छन्।
यी क्यामराहरूले विभिन्न कोणबाट स्पष्ट र विस्तृत तस्बिर खिच्न सक्षम बनाउँछन्। अगाडिको ५० मेगापिक्सल हाई-रेजुलेसन फ्रन्ट क्यामराले उत्कृष्ट सेल्फी र भिडिओ कल अनुभव प्रदान गर्छ, जसले सामाजिक सञ्जालमा सामग्री सिर्जनालाई थप सशक्त बनाउँछ।
उच्चगुणस्तरीय डिस्प्ले: यो स्मार्टफोनमा ६.६७ इन्चको फुल एचडी+ओएलइडी डिस्प्ले छ, जसले जीवन्त रंगहरू, गहिरो ब्ल्याक लेभल र उत्कृष्ट कन्ट्रास्ट प्रदान गर्छ।
उत्कृष्ट कार्यसम्पादन क्षमता: यो डिभाइस युनिसक टि७६० प्रोसेसरद्वारा सञ्चालित छ र यसमा एन्ड्राेइड १४ अपरेटिङ सिस्टम प्रयोग गरिएको छ। ८ जिबी र्याम र २५६ जीबी स्टोरेजले मल्टिटास्किङ तथा भारी एप्स चलाउन सहज बनाउँछ।
माइक्रोएसडी कार्डद्वारा स्टोरेज थप विस्तार गर्न सकिने सुविधा पनि छ जसले प्रयोगकर्तालाई लचिलोपन दिन्छ।
लामो समय टिक्ने शक्तिशाली ब्याट्री: यो फोनमा ५,००० एमएएच क्षमताको ब्याट्री छ, जुन ३३ वाट फास्ट चार्जिङ सपोर्टसहित आउँछ। सिटुसी केबलद्वारा चार्ज गर्न सकिने यो ब्याट्री ८०० चार्जिङ साइकलसम्म टिक्न सक्ने गरी डिजाइन गरिएको छ, जसले प्रयोगकर्तालाई बारम्बार चार्ज गर्नुपर्ने झन्झटबाट मुक्त बनाउँछ।
एचएमडी क्रेस्ट म्याक्स ५जी अब आकर्षक डिप पर्पल (बैजनी) रंगमा नेपाली बजारमा उपलब्ध छ।
यस स्मार्टफोनको ८ जिबी र्याम र २५६ जिबी स्टोरेज भएको भेरियन्टको मूल्य २२ हजार ९९९ रूपैयाँ निर्धारण गरिएको छ।
