एनसेलले आफ्नो साप्ताहिक फ्ल्यास सेल्स अफरलाई परिमार्जन गर्दै अब आफ्ना ग्राहकहरुलाई प्रत्येक शनिबार लोकप्रिय सामाजिक सञ्जालहरूमा २४ घण्टा निःशुल्क अनलिमिटेड पहुँचसमेत उपलब्ध गराउने भएको छ।
यो अफर शनिबार (जेठ ३)बाट सुरू भई हरेक शनिबार जेठ ३१ गतेसम्म सञ्चालनमा रहने छ।
शनिबारका दिन मात्र एनसेल एप र एनसेल पसल एपमा उपलब्ध हुने यो डेटा सेवा लक्षित अफर अन्तर्गत ग्राहकहरुले विभिन्न चार वटा प्याकहरू किन्दा बिना कुनै अतिरिक्त शुल्क किनिएका प्याकका आधारमा अनलिमिटेड टिकटक, अनलिमिटेड फेसबुक, अनलिमिटेड इन्स्टाग्राम वा अनलिमिटेड युट्युव पाउँछन्।
सोसल मिडियामार्फत गरिने भ्वाइस कल, भिडिओ कल र लाइभ स्ट्रिमिङ सेवा भने उपलब्ध हुने छैन।
फ्ल्यास सेल्समा डबल मजा, डेटा रिन्युअल र दुई प्रकारका होम एन्ड अवे रिन्युअलका गरी चार वटा प्याकहरू समावेश रहेका छन्।
यस अफर अन्तर्गत ग्राहकले कर सहित १५० रूपैयाँमा डबल मजा प्याक लिँदा ७ दिन समयावधि रहेको ७ जिबी डेटा पाउँछन्।
यस बाहेक एक दिन अर्थात २४ घन्टासम्म अनलिमिटेड टिकटक चलाउन पाउँने सुविधा पाउँछन्।
त्यसैगरी कर सहित २९९ रूपैयाँ पर्ने डेटा रिन्युअल प्याकमा ग्राहकले २८ दिन समयसीमा रहेको ७ जिबी डेटाका साथै बोनसका रूपमा २४ घन्टासम्म फेसबुकमा अनलिमिडेट पहुँचको फाइदा लिन सक्छन्।
ग्राहकले धेरै रुचाएका दुई होम एन्ड अवे रिन्युअल प्याकहरू पनि यो अफरमा समावेश छन्।
५९९ रूपैयाँको होम एन्ड अवे रिन्युअल प्याकमा ग्राहकले २८ दिन समयसीमा रहेको ४२ जिबीका अतिरिक्त २४ घन्टाका लागि इन्स्टाग्राममा अनलिमिटेड पहुँच पाउँछन्।
अर्को ७९९ रूपैयाँको होम एन्ड अवे रिन्युअल प्याकमा ग्राहकले २८ दिन समयावधि रहेको ६५ जिबी पाउँछन् र साथै २४ घन्टाका लागि युट्युवमा अनलिमिटेड पहुँच पाउँछन्।
यो फ्ल्यास सेल्स अफरले ग्राहकहरूलाई सुलभ दरमा डिजिटल अनुभव प्रदान गर्ने एनसेलको निरन्तरको प्रतिबद्धतालाई प्रतिबिम्बित गर्दछ।
डेटा सेवाको माग र सामाजिक सञ्जालको प्रयोग बढिरहेको अवस्थामा अनलिमिटेड सोसल मिडिया चलाउन सकिने सुविधा सहित आउने यी प्याकहरूले ग्राहकहरूलाई थप फाइदा प्रदान गर्दछ।
