एनसेल नेपाल सुपर लिग (एनएसएल) सिजन–३ को अवसरमा एनसेलले दुई आकर्षक अफरहरू संचालनमा ल्याएको छ।
यी अफरअन्तर्गत ग्राहकहरूले सधैं अन रिन्युअल प्याकहरुमा दोब्बर डेटा र साना डेटा प्याकहरूमा बोनस सेवाहरु पाउँछन्।
यी दुवै अफरहरू बिहीबार (चैत्र २१) देखि आगामी वैशाख १६ गतेसम्म लागु हुनेछ।
एनएसएल डबल डेटा अफरअन्तर्गत तीन सय ९९ (कर सहित) रूपैयाँबाट सुरू हुने सधैं अन रिन्यूअल प्याकहरू ग्राहकहरूले दोब्बर डेटा बोनसका रूपमा प्राप्त गर्दछन्।
उदाहरणका लागि ७९९ को मासिक सधैं अन रिन्यूअल प्याक लिने ग्राहकहरूले प्याकमा पाइने मुख्य सेवाहरु ३० जीबी डेटा, सबै नेटवर्कमा अनलिमिटेड कल गर्न सकिने सुविधा, र ७९ वटा सबै नेटवर्कमा पठाउन सकिने एसएमएस सेवा बाहेक थप ३० जीबी बोनस डेटा प्राप्त गर्दछन्।
यो डबल डेटा बोनस अफर हाल संचालनमा रहेका सबै सधैँ अन रिन्यूअल प्याकका प्रयोगकर्ताहरूका साथै यो अफर अवधिभित्र यी प्याकहरू लिने नयाँ ग्राहकहरूलाई लागू हुने कम्पनीले जानकारी दिएको छ।
हाल एनसेलले सधैं अन रिन्यूअल योजनाअन्तर्गत डेटा, भ्वाइस, र एसएमएस सेवाहरू बन्डल भएको ६ वटा मासिक रिन्यूअल प्याकहरू प्रदान गरिरहेको छ।
प्रत्येक प्याकमा निःशुल्क अनलिमिटेड यूट्यूब डेटा र राति ११ बजे देखि बिहान ७ बजेसम्म अनलिमिटेड इन्टरनेट चलाउन मिल्ने नाइट डेटा पनि समावेश छन्।
कर सहित सात सय ९९, ९ सय ९९, र एक हजार चार सय ९९ रूपैयाँको रिन्यूअल प्याकहरूमा ग्राहकहरूले ३० दिनसम्म मान्य रहने प्रतिदिन एक हजारका दरले अधिकतम दश हजारसम्मको अस्पताल भर्ना बीमा सुविधा पनि प्राप्त गर्दछन्।
अर्को एनएसएल विशेष अफर एनसेल एपमा मात्र उपलब्ध रहने एनएसएल फ्ल्यास सेल रहेको छ ।
यस अफरअन्तर्गत ५० रूपैयाँमा २४ घण्टा मान्य ५० अनलिमिटेड डेटा लिने ग्राहकले बोनस स्वरुप २० मिनेट एनसेलबाट अन्य एनसेल नम्बरमा कल गर्न सकिने टक टाइम प्राप्त गर्दछन्।
त्यस्तै, १५० रूपैयाँमा ७ दिनसम्म मान्य हुने ७ जिबी डबल मजा प्याक किन्दा ग्राहकहरूले बोनसका रुपमा थप २ जिबी डेटा बोनस प्राप्त गर्दछन्।
