चिनियाँ मोबाइल कम्पनी भिभोको बहुप्रतिक्षित स्मार्टफोन भिभो–भी५० नेपाली बजारमा सार्वजनिक भएको छ।
कम्पनीले गत मंगलबारेदेखि आगामी सोमबारसम्मका लागि प्रि–बुकिङ खुलाएको छ।
प्रि–बुकिङ गर्ने ग्राहकले निःशुल्क भिभो एयरबड्स पाउनेछन्।
त्यस्तै यो फोन आगामी मंगलबारबाट भिभोका आधिकारिक स्टोर र अनलाइन बजार दराजमा पाइनेछ।
यो फोनमा ६.७ इन्च डिस्प्ले छ। फोनको पछाडि ५०/५० मेगापिक्सलको दुई वटा क्यामरा जडान गरिएको छ।
त्यस्तै, सेल्फी लिन भने अगाडि पट्टी ५० मेगापिक्सलको एउटा क्यामरा जडान गरिएको छ।
फोनमा फोके अल्ट्रा–क्लियर भिडिओ रेकर्डिङ सुविधा भएकाले उच्च स्तरको भिडिओ बनाउन सघाउँछ।
फोनको ब्याट्री क्षमता ६ हजार एमएएचको छ। त्यस्तै, ९० वाट फ्ल्यास चार्ज प्रविधिले १० मिनेट चार्चमै ६ घण्टा कुरा गर्न सकिन्छ।
यो फोन ग्राहकले स्टारी ब्लु र स्याटिन ब्ल्याक गरी दुई वटा रंगमा पाउनेछन्।
यसमा स्न्यापड्रयागन ७ जेन–३ प्रोसेसर जडान गरिएको छ।
यो फोन १२ जिबी/२५६ जिबी क्षमतामा पाइन्छ। फोनको मूल्य ६७ हजार ९ सय ९९ सय रूपैयाँ तोकिएको छ।
-1742801159.jpg)
