सर्वाधिक विश्वसनीय स्मार्टफोन ब्रान्ड रियलमीले रियलमी नोट ६० र रियलमी नोट ६० एक्स नेपालमा उपलब्ध गराउने भएको छ।
यी स्मार्टफोनहरू अल्ट्रा–टफ डिजाइन, टिकाउपन र उच्च प्रदर्शनका लागि निर्माण गरिएका छन्।
आर्मरशेल प्रोटेक्सन, आइपी रेटेड डस्ट एण्ड वाटर रेजिस्टेन्स, शक्तिशाली युनिसोक टी ६१२ प्रोसेसर र ५००० एमएएच ब्याट्री सहित यी स्मार्टफोनहरूले उत्कृष्ट प्रदर्शन गर्ने कम्पनीले जानकारी दिएको छ।
रियलमी नोट ६० र रियलमी नोट ६० एक्स मा ८ प्रकारका प्रोटेक्सन प्रविधिहरू समावेश रहेका छन् जसमा मेटल, फोम र सिलिकन सामग्रीहरूको प्रयोग गरिएका छन्।
रियलमी नोट ६० मा आइपी ६४ रेटेड डस्ट एण्ड वाटर रेजिस्टेन्स सुविधा पनि रहेको छ भने रियलमी नोट ६० एक्सले आइपी ५४ प्रमाणपत्र पाएको छ जसले अनपेक्षित दुर्घटनाबाट फोनलाई सुरक्षित राख्छ।
यी स्मार्टफोनहरू ३२० भन्दा बढी कडा गुणस्तरीय परीक्षणहरू पार गर्दै बनेको कम्पनीले जनाएको छ।
१० लाख पटक बटन प्रेस परीक्षण, ४० हजार पटक युएसबी प्लग इन र अनप्लग परीक्षण, २१ दिनसम्म उच्च तापक्रम (६५ डिग्री सेल्सियस) परीक्षण र १४,००० पटक माइक्रो ड्रप परीक्षण सहितका टियुभी राइनल्याण्ड उच्च विश्वसनीयता प्रमाणपत्रद्वारा यी स्मार्टफोनहरू प्रमाणित गरिएका छन्।
कम्पनीका अनुसार पाँच हजार एमएएचको शक्तिशाली ब्याट्री सहित दुबै स्मार्टफोनहरूले लामो समयसम्म पावर प्रदान गर्छन्।
रियलमी नोट ६० मा ३२ घण्टासम्मको भ्वाइस कल टाइम र रियलमी नोट ६० एक्समा ४८ दिनसम्मको स्ट्यान्डबाइ मोडको क्षमता रहेको छ।
१००० पटकको चार्ज साइकल पूरा गरेपछि पनि ब्याट्रीको हेल्थ ८० प्रतिशत कायम रहने कम्पनीको दाबी छ।
स्ट्रिमिङ, गेमिङ वा मल्टीटास्किङमा पनि रियलमी नोट ६० र रियलमी नोट ६० एक्स लगातार प्रयोग गर्न सकिने कम्पनीले जनाएको छ।
यी दुबै स्मार्टफोनहरू शक्तिशाली युनिसोक टी ६१२ चिपसेटद्वारा सञ्चालित छन् जसले २,५२,५९७ एन्टुटु बेन्चमार्क स्कोर हासिल गरेका छन्।
रियलमी नोट ६० मा ३२ मेगापिक्सेल सुपर क्लियर क्यामेरा रहेको छ जसले उत्कृष्ट फोटोग्राफी अनुभव प्रदान गर्छ।
रियलमी नोट ६० एक्स मा ६.७ इन्चको ९० हर्ज आई कम्फर्ट डिस्प्ले छ जसले स्मुथ र भाइब्रेन्ट भिजुअल अनुभव प्रदान गर्छ।
