सागर ग्रुपले नेपाली बजारमा इनेक्सका नयाँ प्रडक्टको सार्वजनिक गरेको छ।
उक्त ग्रुपले बेलियो एक्सपेरियन्स टेक्नोलोजी एण्ड लाइफस्टाइल: मिट एण्ड ग्रिट, एक्स्पो–२०२५' बाट इनेक्स कनेक्ट र इनेक्सको दुईवटा मोडलका क्यामेरा सार्वजनिक गरेको हो।
नेपालमा पहिलो पटक इनेक्स क्युब, इनेक्स सी ५७० क्यामेरा र इनेक्स कनेक्ट आएका हुन्।
कोनिका मिनोल्टाअन्तर्गतको इनेक्सका यी प्रडक्टहरू विश्व बजारमा निकै लोकप्रिय छन्।
कोनिका मिनोल्टा प्रिन्टरको लागि प्रख्यात भएता पनि यस कम्पनीले क्यामेरालगायत अन्य डिजिटल डिभाइसहरूको उत्पादन गर्दै आएको छ।
नेपाली बजारमा इनेक्सका उक्त प्रडक्ट आएसँगै यसको प्रयोगबाट ग्राहकहरूले नयाँ अनुभव लिनसक्ने सागर ग्रुपले जानकारी दिएको छ।
एआई–सञ्चालित, हाई क्वालिटी भिडिओ र सिमलेस कार्यक्षमता भएका इनेक्सका तीन वटै मोडलका प्रडक्टले प्रयोगकर्तालाई फोटो वा भिडिओको खिचाइमा उत्कृष्ट अनुभव प्रदान गर्ने सागर ग्रुपकी उपाध्यक्ष बुद्ध लक्ष्मी मानन्धरले जानकारी दिइन्।
इनेक्स क्युब र इनेक्स सी ५७० क्यामेरामा उच्च रिजोल्युसनको सेन्सर र राम्रो कलर रिकर्शनको लागि एड्भान्स टेक्नोलोजीहरू प्रयोग गरिएको छ।
सबै मोडलहरूमा अत्याधुनिक फिचर, स्टाइलिश डिजाइन र उत्कृष्ट प्रदर्शन क्षमता भएकाले ग्राहकहरूलाई इनेक्सका यी प्रडक्टका प्रयोगले दैनिकीमा पनि सहजीकरण ल्याउने सागर ग्रुपले विश्वास लिएको छ।
उच्च गुणस्तर भएका इनेक्स प्रडक्टमा अटो फोकसिङ जस्ता प्रविधिहरूको समावेश रहेको मानन्धरले बताइन्।
'विश्व बजारमा प्रख्यात इनेक्सका यी तीन प्रडक्ट भित्र्याउन पाउँदा हामी खुसी छौ, मिटिङ हललगायत ठाउँका लागि उपयुक्त यी क्यामेराहरू आम ग्राहकको रोजाइमा पर्ने अपेक्षा छ,' उनले भनिन्।
इनेक्स क्यामेरा औसत मूल्यमै उपलब्ध रहेको सागर ग्रुपको भनाइ छ।
इनेक्स क्यामेराले भर्चुअल मिटिङ साथै सम्मेलनको भिडिओ रेकर्डलाई सहज र तीव्र बनाउने छ। आकर्षक र कम्प्याक्ट डिजाइनमा उपलब्ध इनेक्स क्यामेरा धेरै जनाबीचको भिडिओ बनाउनु पर्यो भने निकै उपयोगी रहेको बताइन्छ।
स्मार्टफोन र अन्य उपकरणहरूलाई कनेक्ट गर्ने विकल्प दिएको इनेक्स क्यामेराले ठूलो संख्याबीचको फोटो र भिडिओ सुटिङलाई सहज बनाउने कोनिका मिनोल्टा कम्पनीका बिजनेस म्यानेजर अमित अरोड़ाले जानकारी दिए।
उच्च क्वालिटीको भिडिओ रेकर्डिङको क्षमता, फोरके भिडिओ रेकर्डिङ इनेक्स क्यामेराको प्रमुख विशेषता हुन्।
