चिनियाँ मोबाइल कम्पनी भिभोको बहुप्रतिक्षित सिरिज भिभो भि–५० भारतीय बजारमा सार्वजनिक हुने भएको छ।
आगामी आगामी साता अर्थात् फेब्रुअरी–१७ मा सार्वजनिक हुने भारतीय सञ्चार माध्यहरूले उल्लेख गरेका छन्।
भिभोको यो सिरिज भर्खरै चीनमा सार्वजनिक भएको थियो।
भिभो भि सिरिजमा भिभो भि–५०, भि–५० प्रो भारतमा सार्वजनिक गर्ने तयारी गरिएको छ।
यो फोनको पछाडि ५०/५० मेगापिक्सेलको दुई वटा क्यामेरा जडान गरिएको छ। त्यस्तै, सेल्फी लिनका लागि भने अगाडि पट्टी ५० मेगापिक्सेलको एउटा क्यामेरा जडान गरिएको छ।
यो फोनको ब्याट्री क्षमता ६ हजार एमएएचको हुनेछ।
यो वर्ष भिभो भि–५० सार्वजनिक हुनेछ भने भि–५० प्रो आगामी वर्ष मात्रै सार्वजनिक हुने अनुमान गरिएको छ।
यो तीन वटा रंगमा उपलब्ध हुनेछ।
यसमा स्न्यापड्रयागन ७ जेन–३ प्रोसेसर हुने अनुमान गरिएको छ। यो फोन १२ जिबी र्याम र ५१२ जिबी स्टोरेजमा उपलब्ध हुनेछ। यो फोनको मूल्य भारू ३० हजार पर्ने अनुमान गरिएको छ।
नेपाली बजारमा पनि भिभो फोनको माग उच्च छ।
भिभो भि–५० सिरिज नेपाली बजारमा पनि मार्चभित्रै ल्याउने तयारी गरिएको भिभो नेपालले जानकारी दिएको छ।
