युवा तथा खेलकुदसँगको आफ्नो अटुट सम्बन्धलाई निरन्तरता दिँदै एनसेलले 'महिला टी ट्वान्टी आई त्रिकोणात्मक सिरिज'का लागि सहकार्य गरेको छ।
नेपाल क्रिकेट संघ (क्यान)सँगको यस सहकार्य अन्तर्गत यो खेलले नेपाली क्रिकेट प्रेमीहरूलाई ऊर्जा प्रदान गर्दै क्रिकेटमा महिला प्रतिभाको विकासमा योगदान पुर्याउने विश्वास लिइएको छ।
यो सहकार्य एनसेलको 'हामी तपाईंकै लागि' थिम र नेपालमा क्रिकेट तथा खेलकुदको विकासलाई सहयोग गर्ने प्रतिबद्धतामा आधारित रहेको छ। क्रिकेट नेपालमा सबैभन्दा बढी लोकप्रिय खेलकुद मध्ये एक हो।
यो सिरिज अन्तर्गतको खेल बिहीबारबाट त्रिभुवन विश्वविद्यालय अन्तर्राष्ट्रिय क्रिकेट मैदान, कीर्तिपुरमा सुरू भएको छ।
नेपाली महिला क्रिकेट टोलीलाई यस सिरिजमा समर्थन गर्न आह्वान गर्दै क्यानले सम्पूर्ण खेलहरूको प्रवेश निःशुल्क बनाएको छ।
सिरिजमा सहभागी टिमहरूले एकअर्कासँग तीन पटक प्रतिस्पर्धा गर्नेछन्।
नेपालले माघ १९ मा थाइल्याण्डविरुद्ध माघ २० मा नेदरल्यान्ड्सविरुद्ध, माघ २२ मा थाइल्याण्डविरुद्ध माघ २३ मा नेदरल्यान्ड्सविरुद्ध र माघ २५ मा फेरि थाइल्याण्डविरुद्ध खेल्नेछ।
नेपाली टिम यो सिरिजमा इन्दु बर्माको कप्तानीमा खेल्दैछ। कप्तान इन्दुसँगै टिममा पूर्व कप्तान रुबिना क्षेत्री, सीता राना मगर, पूजा महतो, अलिशा कुमारी यादव, विन्दु रावल, सम्झना खड्का, कविता कुँवर, ममता चौधरी, कविता जोशी, रेवती धामी, रोमा थापा, राजमति ऐरी, मनिषा उपाध्याय र इश्वरी विष्ट समावेश छन्।
नेपाल र आम उपभोक्ताहरूलाई सधैं जोडिराख्ने एनसेलको दर्शन क्रिकेट गतिविधिप्रतिको भावना र जोशसँग मेल खान्छ। यसले एनसेलको खेलसँगको सम्बन्धलाई प्रतिबिम्बित गर्दछ।
यो खेलकुद र नेपालसँगको अटुट सम्बन्धको उदाहरण रहेको बताइएको छ।
यो सहकार्य वृद्धि विकास, नवप्रवर्तन र उत्कृष्टताप्रतिको आपसी समर्पणको ज्वलन्त उदाहरण भएको एनसेलले जनाएको छ।
कम्पनीका अनुसार एनसेलले खेलकुदको विकास, युवा सशक्तीकरण र सामाजिक एकताको प्रवर्द्धनमा योगदान दिँदै नयाँ उचाइ हासिल गर्ने लक्ष्य रहेको छ।
एनसेलले आफ्नो स्थापना कालदेखि नै एक जिम्मेवार कर्पोरेट नागरिकको रूपमा नेपालमा खेलकुद र प्रतिभा विकासमा महत्त्वपूर्ण योगदान गर्दै आएको कमपनीको भनाइ छ।
