नेपालकै अग्रणी इन्टनेट सेवा प्रदायक कम्पनी, वर्ल्डलिंकले पोखरामा भव्य ‘कार्निभल’को आयोजना गर्ने भएको छ।
यस कार्निभलमा विभिन्न प्रकारका फुड स्टल, बाल बच्चाहरूको लागि खेल, विभिन्न प्रकारमा रमाइला खेलहरू रहने वर्ल्डलिंकले जनाएको छ।
यस कार्निभलको मुख्य आकर्षणको रूपमा 'द इलिमेन्टस्' ब्यान्डको प्रस्तुति रहने तथा त्यसका साथै विभिन्न स्थानीय कलाकारहरूको प्रस्तुति समेत रहने छ।
चर्चित कार्यक्रम प्रस्तोता सुजिता श्रेष्ठद्वारा सञ्चालन गरिने यस कार्निभलमा चर्चित डिजे एमीको प्रस्तुति समेत रहने छ।
पोखराको, पामे, चङ्खपुरमा हुन गइरहेको 'अन्तर्राष्ट्रिय बेलुन फेस्टिभल' को पाँचौ दिनमा हुन गइरहेको यस कार्निभल पुस १३ गते बिहान ९ बजेबाट सुरू भइ बेलुकी ५ बजेसम्म रहनेछ।
यस कार्यक्रममा विभिन्न प्रकारका मनोरञ्जनात्मक खेल 'पबजी प्रतियोगिता' तथा विभिन्न स्टल रहने छन्। साथै यसै कार्यक्रममा 'बिट द स्पिड' को प्रतियोगिता समेत हुने वर्ल्डलिंकले जनाएको छ।
त्यस प्रतियोगितामा, १४५ कि.मि. प्रति घण्टाभन्दा माथिको बलिङ गर्न सफल भएमा एक प्रतियोगीले 'आइफोन १६' उपहार पाउन सक्नेछन्।
यस कार्निभलमा सहभागी हुन चाहनेहरूको सहजताको लागि वर्ल्डलिंकले पोखरामा पामेसम्मका लागि निःशुल्क बस सेवा समेत प्रदान गर्ने भएको छ।
