हुवावको ‘वाइ नाइन’ यसै महिनादेखि बजारमा


चिनिया कम्पनी हुवावेले वाइ सिरिज अन्तर्गतको ‘वाइ नाइन’ यसै महिनाभित्र सार्वजनिक गर्ने भएको छ। हुवावे नेपालले यस फोनलाई चैतभित्रै भित्र्याउने जनाएको छ।

फोनमा चार वटा क्यामरा अटाएका छन्। यसमा एफ/२.० अपेचर लेन्ससहितको १६ र २ मेगापिक्सेलका सेल्फी र पछाडितर्फ एफ/२.० लेन्सका साथै टोनिङ फ्ल्याससहित १३ र २ मेगापिक्सेलका क्यामरा दिइएको छ।

५.९ इन्चको आइपिएस डिस्प्ले भएको फोनमा इएमयुआई ८.० अपरेटिङ सिस्टमका साथमा ३ जीबी र्याम तथा ३२ जीबी इन्टरनल स्टोरेज क्षमता छ।

फोनमा ४ हजार एमएएच पावर क्षमताको ब्याट्री दिइएको छ।

फोनको बजार मूल्य २५ हजार ९ सय निर्धारण गरिएको छ भने यसको प्रि-बुकिङ समेत खुलाइएको छ।

चैत १७ गतेसम्म कायम रहेको प्रि-बुकिङको समय अगावै बुकिङ गरेमा ए वान फिटनेस ब्याण्ड प्राप्त गर्न सकिने कम्पनीले जनाएको छ।

ग्राहकले अग्रीम–बुकिङ गर्नको लागि हुवावे शोरुममा आफ्नो परिचय खुलाउने कागजातको प्रतिलिपिका साथ ३ हजार जम्मा गर्नुपर्ने कम्पनीले बताएको छ।

Share:

© 2017 Setopati Sanchar Pvt. Ltd.