नेपालको विज्ञापन र बजारीकरणको क्षेत्रमा कोका–कोलाले एउटा नयाँ ट्रेन्ड सुरू गरेको छ।
इटहरी चोकमा रहेको एलइडी स्क्रिनमा नेपालमै पहिलो पटक अत्याधुनिक थ्रिडी एनामोर्फिक विज्ञापन प्रस्तुत गरेर कोका–कोलाले डिजिटल आउट–अफ–होम विज्ञापनको अनुभवलाई पूर्णतया नयाँ उचाइमा पुर्याएको छ।
यस पहलले परम्परागत विज्ञापन शैलीभन्दा भिन्न, आँखालाई लोभ्याउने थ्रिडी मोशन भिजुअल मार्फत दर्शकहरूलाई गहिराइ र गतिको यथार्थपरक अनुभव प्रदान गर्दै प्रत्यक्ष अन्तर्क्रियाका लागि प्रेरित गरेको कम्पनीको भनाइ छ।
यो कोका–कोलाको नेपाली उपभोक्ताहरूसँग जोडिने एक नवीनतम र कलात्मक प्रयास हो।
यो ऐतिहासिक पहल कोका–कोलाको 'हाफ टाइम' विज्ञापनको थ्रि डि अवतार हो।
कोका–कोलाले यस विशाल स्क्रिनमा आफ्नो थ्रिडी विज्ञापन प्रस्तुत गरेको छ, जसले नेपाली मार्केटिङ क्षेत्रमा अभूतपूर्व र नवीनतम आयाम थपेको छ।
यो केबल विज्ञापन मात्र नभएर प्रविधिको माध्यमबाट उपभोक्ताहरूसँग जोडिने एउटा कलात्मक र अभिनव प्रयासको रूपमा हेरिएको छ।
कम्पनीका अनुसार कोका–कोलाको यो थ्रिडी विज्ञापनमा उनीहरूको 'हाफ टाइम' टिभी विज्ञापनका चर्चित पुरुष मोडेल एलेक्स विश्वकर्माको पूर्ण थ्रिडी प्रतिकृतिलाई प्रदर्शन गरिएको छ।
एलेक्सको प्रत्येक चाल र हाउभाउलाई अत्याधुनिक थ्रिडी एनामोर्फिक टेक्नोलोजी प्रयोग गरेर ७१५ वर्ग फिटको विशाल एलइडी स्क्रिनमा जीवन्त रूपमा पुनः सिर्जना गरिएको थियो।
यस प्रविधिको मुख्य विशेषता भनेको विशेष कोणबाट हेर्दा वस्तुहरू स्क्रिनबाट बाहिर निस्केको वा भित्र पसेको जस्तो लाग्ने भ्रम सिर्जना गर्नु हो, जसले दर्शकहरूलाई मन्त्रमुग्ध पार्ने कोका–कोलाको दाबी छ।
विश्वभर यो प्रकारको विज्ञापन शैलीले संयुक्त राज्य अमेरिका, दक्षिण कोरिया र जापान जस्ता देशहरूमा व्यापक लोकप्रियता हासिल गरिसकेको छ, जहाँ यसले सहरी परिदृश्यको एक आकर्षक हिस्साको रूपमा आफ्नो पहिचान बनाएको छ।
नेपालमा यसको सुरुवातले स्थानीय विज्ञापन बजारलाई अन्तर्राष्ट्रिय स्तरको प्रविधिसँग जोडेको छ।
विज्ञापन एजेन्सीहरूका अनुसार कोका–कोलाको यो अभियानले प्रविधिलाई बलियो कथा कथन र स्थानीय सान्दर्भिकतासँग कुशलतापूर्वक संयोजन गरेको छ।
यसले दर्शकहरूलाई केबल मोहित मात्र बनाएको छैन बरु नेपाली विज्ञापन उद्योगका लागि एक नयाँ र उच्च बेन्चमार्क पनि स्थापित गरेको छ।
यस प्रकारको प्रविधिले भविष्यमा ब्राण्डहरूलाई आफ्ना उपभोक्ताहरूसँग अझ बहिर आएर अन्तर्क्रिया गर्ने र उनीहरूको ध्यान खिच्ने अद्वितीय अवसरहरू प्रदान गर्नेछ, जसले नेपाली विज्ञापन बजारको परिदृश्यलाई थप गतिशील बनाउने निश्चित छ।
