नेपालको बाणिज्य तथा उद्योग क्षेत्रमा उल्लेखनीय योगदान पुर्याएवापत एमएस ग्रुपका अध्यक्ष शिव कुमार अग्रवाललाई नेपाल चेम्बर अफ कमर्शले ‘इन्द्र भक्त मेमोरियल अवार्ड २०७४’ बाट सम्मानित गरेको छ।
नेपाल चेम्बर अफ कमर्शको हालै सम्पन्न ६७ औँ वार्षिक समारोहमा उपराष्ट्रपति नन्द बहादुर पुनले एक समारोहकाबीच अग्रवाललाई उक्त सम्मान प्रदान गरे।
७२ वर्षीय अग्रवाल नेपालको उद्योग बािणज्य क्षेत्रमा सफल उद्योगीका रुपमा गनिन्छन्। उनको भगवती स्टील, रिलायन्स स्पिनिङ्ग मिल्स, एभरेष्ट सुगर मिल्स, सनराइज डेभलपर्स, म्यारिएट होटलस लगायत एक दर्जनभन्दा बढी उद्योग/व्यवसाय सञ्चालनमा छन् । सो ग्रुपले हाल आठ हजारभन्दा बढीलाई रोजगारी दिइरहेको छ।
यी उद्योगहरु उनका छोरा शशी/सुमित र नाति गौवर/उमङ्गले हेर्दै आइरहेका छन्। नेपाल चेम्बर अफ कमर्शका पूर्व अध्यक्ष एवं नेपाल उद्योग बाणिज्य महासंघका पूर्व अध्यक्ष स्वर्गीय इन्द्र भक्तको सम्झनामा पुरस्कार प्रदान गर्ने गरिएको छ।
