बिहीबार घट्दै २५५० पुगेपछि नेप्से परिसूचक फर्किने प्रयासमा देखिएको छ।
बजार बन्द हुँदा नेप्से ०.९३ अंकले घटेर २५६० मा आइपुगेको छ।
केही दिनदेखि दैनिक चार अर्ब रूपैयाँभन्दा कमको कारोबार भइरहेको बजारमा बिहीबार कारोबार रकम चार अर्ब नाघेको छ।
बिहीबार बजारमा चार अर्ब ६८ करोड रूपैयाँको कारोबार भएको हो। बुधबार तीन अर्ब ७७ करोड रूपैयाँको सेयर किनबेच भएको थियो।
यस दिन कारोबारमा आएका १३ समूहमध्ये ६ वटा बढेका छन्। होटल समूह सबैभन्दा धेरै १.१६ प्रतिशतले बढेको छ।
यसदिन तीन सय २८ लगानी उपकरण कारोबारमा आउँदा एक सय ३८ वटाको मूल्य बढेको छ। एक सय ७५ वटाको मूल्य घटेको छ भने बाँकीको स्थिर छ।
बिहीबार धौलागिरी लघुवित्त कम्पनी हालै सूचीकृत भएका बन्दिपुर केवल कार र झापा इनर्जीको सेयर मूल्य १० प्रतिशत बढेर सर्किट ब्रेक लागेको छ।
यसदिन साहस उर्जाको सबैभन्दा धेरै रकमको ४१ करोड ८० लाख रूपैयाँको सेयर किनबेच भएको हो।
-1746009348.jpg)
