सरकारले विदेशी मुद्रामा भुक्तानी गर्ने नेपाली ऋणपत्र जारी गर्ने भएको छ।
अर्थमन्त्री विष्णु पौडेलले बिहीबार संघीय संसदमा आगामी आर्थिक वर्ष २०८२/८३ को लागि सरकारको बजेट पेस गर्दै यस्तो बताएका हुन्।
उनले 'लोकल करेन्सी लिंक बण्ड' जारी गरेर विदेशी लगानी भित्र्याउने घोषणा गरेका हुन्।
भारतीय मुद्रासँग नेपाली मुद्राको विनिमय दर स्थिर हुने गरेर पेग्ड गरिएकोले यसैको लाभ लिने गरेर ऋणपत्र जारी गर्ने योजना अघि सारिएको हो।
भारतीय मुद्राको विनिमयमा हुने उतारचढावमा आधारित हुने गरेर ऋणपत्रको भुक्तानी हुनेछ। यस्तो ऋणपत्रमा हुने आम्दानीको भुक्तानीमा भारतीय मुद्रा वा डलर नै प्रयोग हुने सक्ने बताइन्छ।
