कुमारी बैंकका ग्राहकले टेस्ला डायग्नोस्टिकमा दश प्रतिशतसम्म छुट पाउने भएका छन्।
कुमारी बैंक र टेस्ला डायग्नोस्टिक क्लिनिक प्रालि बीच भएको सम्झौता अनुसार उक्त क्लिनकबाट प्रदान गरिने सेवाहरूमा सो बराबरको छुट पाउने भएका हुन्।
सम्झौता बमोजिम प्याथोलोजी जाँचमा दश प्रतिशत, एमआरआई, एक्स–रे, म्यामोग्राम, अल्ट्रासोनोग्राफी, युएसजी कलर डप्लर, बोन मिनरल डेन्सिटी जाँच लगायतमा पाँच प्रतिशत तथा फार्मेसीमा पाँचदेखि दश प्रतिशतसम्मको छुट पाउँनेछन्।
बैंकले ३०२ शाखा सञ्जाल, ३१६ एटिएम, ५० एक्सटेन्सन काउन्टर तथा ५४ शाखा रहित बैंकिङ्ग ईकाईहरु मार्फत सेवा दिइरहेको छ।
