सर्वसाधारण समूहमा जारी गरिएको राधी बिद्युत कम्पनीको प्राथमिक सेयर बाँडफाँड भएको छ।
बिक्रि प्रबन्धक नबिल इन्भेस्टमेन्ट बैंकिंगले एक कार्यक्रमकाबीच आइपिओ बाँडफाँड गरेको हो। आवेदन भरेकामध्ये आधा भन्दा धेरैको हात रित्तो भएको छ। बिक्री प्रवन्धकका अनुसार ९५ हजार २१४ आवदेकले कम्पनीको कत्ति पनि सेयर पाएनन्।
कुल एक लाख ६६ हजार ३१७ जनाले आवेदन गरेकोमा ७१ हजार १०२ आवेदकले दश कित्ता र एक आवेदकले ११ कित्ता पाएका छन्। आवेदन दिएकामध्ये १ हजार ३२७ जनाको रद्द भएको कम्पनीले जनाएको छ।
सदर भएकामध्ये गोलाप्रथाबाट १० र ११ कित्ता पर्नेको छनौट गरिएको थियो।
कम्पनीले सर्वसाधारणतर्फको ७ लाख ६४ हजार ५५० कित्ता सेयर निश्कासन गरेकोमा कर्मचारी तथा म्युचुअल फण्डलाई छुट्याएर बाँकी ७ लाख ११ हजार ३१ कित्ता सर्वसाधारणलाई दिइएको छ।
सेयर वितरण गरेसँगै कम्पनीको चुक्ता पूँजी ४१ करोड रुपैयाँ पुगेको छ।
