जावा येज्डी मोटरसाइकलले चाडपर्व लक्षित योजना सार्वजनिक गरेको छ।
ग्राहकहरूका लागि कम्पनीले 'येज्डी फाइभ थ्री फिफ्टी फेस्टिभल' योजना सार्वजनिक गरेको हो।
यस योजना अन्तर्गत येज्डीको भर्खरै बजारमा आएको एड्भेञ्चर, स्क्याम्ब्लर, रोडस्टार र जावाका अरु मोडलहरू किन्दा हरेक ग्राहकले ५ वर्षका लागि निःशुल्क सर्भिसिङ तथा अन्य उपभोग्य सामानहरू प्राप्त गर्नेछन् भने ३ वर्षका लागि वार्षिक कर निःशुल्क हुनेछ।
यस्तै ५० हजार रुपैयाँ नगद छुट प्राप्त गर्नुका साथै आकर्षक उपहार समेत प्राप्त गर्नेछन्।
यसका साथै ग्राहकहरूलाई सजिलो फाइनान्सिङको समेत सुविधा उपलब्ध हुने कम्पनीले जनाएको छ।
६ स्पिड गियर जडित येज्डी मोटरसाइकल ३३४ सिसीको बिएस सिक्स लिक्विड कुल्ड इन्जिनयुक्त रहेको कम्पनीको भनाइ छ।
जसले न्यूनतम २९.५० बिएचपी पावर र २८.२ एनएमको टर्क दिन्छ। यसैगरी, येज्डी मोटरसाइकल डुअल च्यानल एबिएस, बाटो अनुसार चेन्ज गर्न सकिने स्विचेबल एबिएस मोड, स्लिपर क्लच र युएसबी चार्जिङ पोर्ट र सेगमेन्टकै सबैभन्दा बढी ग्राउण्ड क्लियरेन्स जस्ता फिचरहरूले सुसज्जित छन्।
चाडपर्व लक्षित यो योजना सीमित अवधिका लागि ल्याइएको र यो अफरले ग्राहकलाई चिन्तामुक्त भएर मोटरसाइकल चलाउने अवसर प्रदान गर्ने कम्पनीको भनाइ छ।
