बजारमा हरियो भटमास पाइन थालेको छ।
कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
तरकारी व्यवसायी खोम प्रसाद घिमिरेका अनुसार हरियो भटमास आउन थालेको तीन/चार दिन जति भयो। भटमासको सिजन नभएकोले अहिले महँगोमा बिक्री भइरहहेको छ।
'प्रतिकिलो थोक मूल्य दुई सय रूपैयाँसम्म बिक्री भएको छ,' उनले भने।
उनका अनुसार अहिले भटमास दक्षिणकाली नगरपालिकाको चाल्नाखेल भन्ने ठाउँबाट आइरहेको छ।
जेठ लागेपछि भटमासको मुख्य सिजन सुरू हुन्छ। सिजन सुरू भएसँगै मूल्य पनि घट्दै जानेछ।
सिजनको समयमा भने काभ्रे, धादिङ, मकवानपुर लगायतका क्षेत्रबाट बढी मात्रामा आउँछ।
कालीमाटी फलफूल तथा तरकारी बजार विकास समितिको तथ्यांक हेर्दा शुक्रबार भटमास प्रतिकिलो थोक मूल्य एक सय ८० देखि दुई सय रूपैयाँमा बिक्री भइरहेको छ।
