बजारमा सुकेको प्याजको भाउ घटेको छ।
कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
समितिको तथ्यांक अनुसार बिहीबार कालीमाटी बजारमा प्याज प्रतिकिलो थोक मूल्य ३६ देखि ३८ रूपैयाँमा कारोबार भइरहेको छ।
एक साताअघिको तुलनामा यो प्रतिकिलो दुई रूपैयाँले सस्तो हो।
एक साताअघि कालीमाटी बजारमा प्याज प्रतिथोक मूल्य ३८ देखि ४० रूपैयाँमा कारोबार भइरहेको थियो।
१५ दिनअघि बजारमा सुकेको प्याजको भाउ प्रतिकिलो थोक मूल्य ४१ देखि ४३ रूपैयाँ थियो।
त्यस्तै, एक महिनाअघि भने बजारमा सुकेको प्याज प्रतिकिलो थोक मूल्य ५३ देखि ५८ रूपैयाँमा बिक्री भइरहेको थियो।
पछिल्लो समय बजारमा प्याजको भाउ घटिरहेको छ। आपूर्तिका आधारमा प्याजको भाउ घटबढ हुन्छ।
अहिले नेपाली प्याज नगन्य मात्रामा छ। भारतीय प्याजले माग धानेको छ।
भारतीय बजारमा प्याजको मूल्य घटबढ हुँदा यहाँ पनि मूल्य घटबढ हुने व्यवसायीहरूको भनाइ छ।
थोक मूल्य घटेसँगै बजारमा प्याजको खुद्रा मूल्य पनि घटेको छ।
