बजारमा तिते करेलाको मूल्य घटेको छ।
कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
बुधबार कालीमाटी बजारमा तिते करेला प्रतिकिलो थोक मूल्य २० देखि ३० रूपैयाँ छ।
यो एक साताअघिको तुलनामा यो मूल्य आधाले सस्तो हो।
एक साताअघि तिते करेला प्रतिकिलो थोक मूल्य ४५ देखि ५५ रूपैयाँ थियो।
एक महिनाअघि कालीमाटी बजारमा तितेकरेला प्रतिकिलो थोक मूल्य एक सय २० देखि एकसय ३० रूपैयाँसम्म थियो।
अहिले तिते करेलाको उत्पादन बढेकाले मूल्य घटेको तरकारी व्यवसायी खोम प्रसाद घिमिरेले जानकारी दिए।
'करेलाको उत्पादन धेरै बढेको छ,' उनले भने।
उनका अनुसार अहिले बजारमा आएका सबै करेला स्वदेशी उत्पादन हो।
हाल बजारमा पाँचखाल, धादिङ, मकवानपुर लगायतका क्षेत्रबाट बढी मात्रामा करेला आइरहेको छ।
