भारतको खाद्य सुरक्षा एवं मानक प्राधिकरणले अबदेखि नेपालको खाद्य प्रविधि तथा गुण नियन्त्रण विभागको परीक्षणलाई मान्यता दिने भएको छ।
नेपालको विभागले जारी गरेको परीक्षण रिपोर्टलाई अबदेखि भारतले खाद्य पदार्थ आयात गर्दा स्वीकार गर्ने भएको हो।
काठमाडौँस्थित भारतीय दूतावासका अनुसार अबदेखि जुस, अदुवा, अचार, चकलेट, फलफूल, तरकारी तथा तयारी चाउचाउको हकमा विभागले जारी गर्ने रिपोर्टलाई भारतीय पक्षले मान्यता दिने भएको हो।
नेपालले जारी गर्ने रिपोर्ट भारतीय पक्षले स्वीकार गर्ने भएपछि अबदेखि नेपालबाट हुने कृषि उत्पादनको निर्यात बढ्न सक्नेछ।
