बजारमा मालभोग केरा पाइन थालेको छ।
अहिले थोरै मात्रामा मालभोग केरा बजारमा आइरहेको नेपाल फलफूल थोक व्यवसायी संघ, काठमाडौंका अध्यक्ष अमर बाँनियाले जानकारी दिए।
'मालभोग केराको सिजन सुरू भइसकेको छैन, उनले भने, 'त्यसैले थोरै आइरहेको छ।'
उनका अनुसार अहिले आइरहेको मालभोग केरा स्वदेशी उत्पादन हो। हाल मोरङ र चितवन उत्पादित मालभोग केरा बजारमा आइरहेको छ।
जेठदेखि साउनसम्म मालभोग केराको मुख्य हो। अहिले बल्खु बजारमा मालभोग केरा प्रतिदर्जन थोक मूल्य एक सयदेखि एक सय २० रूपैयाँसम्म बिक्री भइरहको छ।
मालभोग केराको सिजन सुरू भएसँगै मूल्य पनि घट्दै जानेछ।
अहिले बजारमा जी–९ केरा भारतीय बजारबाट आइरहेको छ। असारदेखि भने उक्ता जातको केरा पनि स्वदेशी उत्पादन आउन थाल्ने बानियाँले जानकारी दिए।
उनका अनुसार मालभोग केराको तुलनमा जी–९ केरा महँगो हुन्छ। मालभोग केराको कोसा सानो हुन्छ भने जी–९ केराको कोसा ठूलो हुने भएकाले महँगो भएको हो।
'भारतमा जोखेर केरा बेच्छन्। जी–९ को तौल बढी हुने भएकाले महँगो पर्छ,' उनले भने।
