बजारमा गोलभेँडाको मूल्य स्थिर छ।
करिब एक महिनादेखि गोलभेँडाको मूल्य स्थिर रहेको व्यवसायीहरू बताउँछन्।
कालीमाटी बजार विकास समितिको तथ्यांक अनुसार गोलभेँडा ठूलो, लोकल सानो र तराई गरी तीन प्रकारको आउँछ।
ठूलो गोलभेँडा भारतीय बजारबाट पनि भित्रिने गरेको छ। लोकल र सानो गोलभेँडा भने स्वदेशी उत्पादन हो। ठूलो गोलभेँडा ठूला होटल तथा रेष्टुरेन्टमा सलादको लागि प्रयोग हुन्छ। साना गोलभेँडा दैनिक भान्सामा प्रयोग हुने गरेको छ।
शुक्रबार कालीमाटी बजारमा ठूलो गोलभेँडा प्रतिकिलो थोक मूल्य ४० देखि ५० रूपैयाँमा कारोबार भइरहेको छ।
त्यस्तै, लोकल सानो गोलभेँडा प्रतिकिलो १५ देखि २० रूपैयाँमा कारोबार भएको छ भने तराई सानो गोलभेँडा १५ देखि २५ रूपैयाँमा कारोबार भइरहेको छ।
एक महिना अघि बजारमा ठूलो गोलभेँडा ५० देखि ६० रूपैयाँमा कारोबार भएको थियो। त्यस्तै, तराईको सानो गोलभेँडा प्रतिकिलो १४ देखि २२ रूपैयाँमा कारोबार भएको थियो।
पछिल्लो समय गोलभेँडाको उत्पादन बढी भएकाले किसानले बारीबाट थोरैमात्रामा मात्रै टिपेर बजार ल्याएको
कालीमाटीका गोलभेँडा व्यवसायी ज्ञानेन्द्र श्रेष्ठले जानकारी दिए।
'उत्पादन धेरै छ। किसानले नबिकेर थोरै मात्र ल्याइरहेका छन्,' उनले भने।
गोलभेँडाको होलसेल मूल्य घटेसँगै उपभोक्ता मूल्य पनि घटेको छ।
अहिले उपभोक्ताले साना गोलभेँडा ६० देखि ७० रूपैयाँ किलोमा पाइरहेका छन्।
