बजारमा सुकेको प्याजको भाउ बढेको छ।
कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
समितिको तथ्यांक अनुसार आइतबार कालीमाटी बजारमा प्याज प्रतिथोक मूल्य ५० देखि ६० रूपैयाँमा कारोबार भइरहेको छ। शनिबारको तुलनामा आइतबार थोरै मूल्य बढेको छ।
शनिबार प्याज प्रतिथोक मूल्य ४५ देखि ५५ रूपैयाँमा कारोबार भएको समितिको तथ्यांकले देखाएको छ।
समितिको तथ्यांक हेर्दा शुक्रबार पनि सोही मूल्य कायम थियो।
एक महिनादेखि बजारमा प्याजको भाउ घटिरहेकोमा आइतबार भने थोरै बढेको छ।
अहिले नेपाली प्याज नगन्य मात्रामा छ। भारतीय प्याजले माग धानेको छ।
भारतीय बजारमा प्याजको मूल्य घटबढ हुँदा यहाँ पनि मूल्य घटबढ हुने व्यवसायीहरूको भनाइ छ।
थोक मूल्य बढेसँगै बजारमा प्याजको खुद्रा मूल्य पनि बढ्छ।
