बजारमा सुकेको प्याजको भाउ घटेको छ।
कालीमाटी फलफूल तथा तरकारी बजार विकास समितिको तथ्यांकले यस्तो देखाएको हो।
समितिको तथ्यांक अनुसार आइतबार कालीमाटी बजारमा प्याजको भाउ प्रतिथोक मूल्य ६५ देखि ७० रूपैयाँ छ।
१५ दिन अघि बजारमा प्याज प्रतिकिलो ७८ देखि ८० रूपैयाँले कारोबार भइरहेको थियो।
बजारमा प्याजको भाउ घटबढ भइरहेको छ। अहिले नेपाली प्याज नगन्य मात्रामा छ। भारतीय प्याजले माग धानेको छ।
एक महिना अघिसम्म प्याज सस्तो थियो। त्यतिखेर बजारमा प्रतिथोक मूल्य ५५ देखि ६० रूपैयाँमा कारोबार भइरहेको थियो।
भारतीय बजारमा प्याजको मूल्य बढेका कारण नेपाली बजारमा पनि मूल्य बढेको व्यवसायीहरूको भनाइ छ।
अहिले थोक मूल्य घटेसँगै बजारमा प्याजको खुद्रा मूल्य पनि घटेको छ।
