गैरआवासीय नेपाली संघ(एनआरएनए)को अध्यक्षका लागि चन्द्रा अधिकारीले उमेदवारी घोषणा गरेकी छन्।
एनआरएनए क्यानडाको वर्तमान महासचिव रहेकी चन्द्राले आगामी कार्यकाल(२०२५-०२७)को नेतृत्वको लागि उमेदावारी दिने निर्णय गरेकी हुन्।
महासचिव भएर पूरा नभएका एजेण्डालाई पूरा गर्न आफूले उमेदावारी दिएको अधिकारीले सेतोपाटीलाई बताइन्।
'एनआरएनए क्यानडाको आफ्नै भवन बनाउन पर्नेछ। क्यानडामा रहेका नेपालीको डाटा संकलन गर्छु,' उनले भनिन्, 'क्यानडामा रहेका नेपालीहरु नेपाल फर्किन चाहन्छन्। तर त्यसको लागि उनीहरुले क्यानडामा पाउने नेपालबाटै लिन मिल्ने प्रावधान गर्न जरुरी छ।'
नेपालको भाषा कला संस्कृतीको प्रवर्धनका लागि आफूले पहलकदमी लिने समेत उनले बताइन्।
दोस्रो जनआन्दोलनमा सक्रिय रहेकी चन्द्रा २०७२ सालको भूकम्पमा समेत उद्धार र राहत वितरणमा खटिएकी थिइन्।
कोभिडको महामाहरीमा क्यानडाका विभिन्न सहरमा गएर स्वास्थ्य तथा खाद्य सामग्री बाड्न आफू सक्रियताका साथ काम गरेको उनले बताइन्।
सामाजिक काममा सक्रिय भएकै कारण उनले एलिजावेद कम्युनिटी अवार्ड पाएकी छन्।
त्यस्तै कोभिड-१९ महामारीको समयमा नेपाली विद्यार्थीहरूका लागि राहत वितरण, आपतकालीन सहयोग, सामाजिक हिंसाविरुद्ध अभियानमा महत्त्वपूर्ण भूमिका निर्वाह गरेको भन्दै क्यानडा सरकारले किङ चार्ल्स कोरोनेसन पदकबाट सम्मान गरेको थियो।
नेपालबाट गएका विद्यार्थीलाई काम खोज्न संयोजन गर्नेदेखि मानसिक परामर्श र हिंसामा परेका महिलाहरुको उद्धारमा समेत उनी सक्रिय छन्।
विभिन्न कारणले मृत्यु भएका नेपालीको शव नेपाल पठाउने तथा क्यानडामै अन्तिम संस्कार गर्ने लगायतका सामाजिक काममा समेत उनको भूमिका छ।
-copy-1745411477.jpg)
-1746009348.jpg)
