चीनका पूर्वप्रधान सेनापतिलाई आजीवन कारावासको सजाय दिने फैसला भएको छ।
भ्रष्टाचारविरूद्धको अभियानको क्रममा राष्ट्रपति सि जिन पिङले उनलाई यसअघि नै पदच्यूत गरिसकेका चिनियाँ सरकारी सञ्चारमाध्यमले बुधबार जनाएको छ।
चिनियाँ सरकारी सेनाको सर्वोच्च पदमा सन् २०१२ मा नियुक्त भएका फाङ फेङघुई अहिले कारबाहीमा परेका हुन्। उनलाई सन् २०१७ को अगष्टमा जिम्मेवारीबाट हटाइएको थियो।
सैन्य अदालतले नै उनलाई दोषी ठहर गर्दै आजीवन जेल सजायको फैसला गरेको सरकारी समाचार संस्था सिन्ह्वाले जनाएको छ।
चीनमा भ्रष्टाचार लामो समयदेखि देशका लागि ठूलो समस्या बनेको छ। भ्रष्टाचारविरूद्धका अभियानहरू चलाइएका छन् भने हजारौं सरकारी उच्च अधिकारी कारबाहीमा परेका छन्। (रासस/एएफपी)
